4 દિવસ બાદ બનશે અત્યંત શક્તિશાળી 'મહાધન યોગ', આ રાશિવાળા થઈ જશે માલામાલ, ધન-સંપત્તિ વધશે
બુધના ધનુ રાશિમાં પ્રવેશથી મહાધન નામનો યોગ બની રહ્યો છે. જેના કારણે અનેક રાશિઓનું ભાગ્ય ચમકી શકે છે. અચાનક ધનલાભની સાથે બિઝનેસમાં અપાર સફળતાના યોગ છે.
Trending Photos
- 11
- 6
- 8
- 6
)
ગ્રહોના રાજકુમાર એક નિશ્ચિત સમયગાળા બાદ રાશિ પરિવર્તન કરતા હોય છે. જેની અસર તમામ 12 રાશિઓના જીવન પર કોઈને કોઈ રીતે અવશ્ય પડે છે. જ્યોતિષ શાસ્ત્ર મુજબ 27 નવેમ્બર 2023ના રોજ સવારે 5.41 વાગે બુધ ધનુ રાશિમાં પ્રવેશ કરવા જઈ રહ્યો છે. જ્યાં 28 ડિસેમ્બર 2023 સુધી રહેશે. બુધના એકાદશ ભાવના સ્વામી થઈને ધનના ભાવમાં ગોચરથી મહાધન નામના યોગનું નિર્માણ થઈ રહ્યું છે. આ યોગ ખુબ શુભ માનવામાં આવે છે. આ યોગ બનવાથી જાતકોને ભૌતિક સુખ પ્રાપ્ત થાય છે. ધનુ રાશિમાં મહાધન યોગ બનવાથી કઈ રાશિઓનું ભાગ્ય ચમકશે તે ખાસ જાણો.
મેષ રાશિ
આ રાશિના જાતકો માટે મહાધન યોગ ખુબ લાભકારી સિદ્ધ થઈ શકે છે. કારણ કે આ રાશિમાં મહાધન યોગ નવમા ભાવમાં બની રહ્યો છે જેને ભાગ્ય, લાંબા અંતરની મુસાફરી વગેરે વિશે માનવામાં આવે છે. આવામાં આ રાશિના જાતકોને વિદેશ જવાની તક મળી શકે છે. તમારી વાણી ખુબ પ્રભાવશાળી રહેશે. જેનાથી તમને લાભ થઈ શકે છે. ઉચ્ચ શિક્ષણની યોજના બનાવી રહેલા લોકોને પણ લાભ મળવાનો છે. ધાર્મિક સ્થળોની મુસાફરી માટે જઈ શકો છો. આ સાથે જ નાના ભાઈ બહેનનો પૂરો સાથ મળી શકે છે. બિઝનેસમાં પણ અપાર સફળતાની સાથે નફો થઈ શકે છે.
મિથુન રાશિ
આ રાશિવાળા માટે પણ મહાધન યોગ ખુશીઓ લઈને આવવાનો છે. ભાગ્યનો પૂરેપૂરો સાથ મળશે. પાર્ટનર સાથે સારો સમય વિતશે. પરિવારનો પૂરો સહયોગ મળશે. આ સાથે જ દરેક ક્ષેત્રમાં બુલંદી મેળવી શકશો. અપરણિતોને લગ્નનો પ્રસ્તાવ આવી શકે છે. જો તમે વાહન કે પછી સંપત્તિ ખરીદવાનો પ્લાન ઘડી રહ્યા હોવ તો આ દરમિયાન તમારું સપનું પૂરું થઈ શકે છે. બુધને વેપારનો કારક ગ્રહ માનવામાં આવે છે. આવામાં વેપારમાં પણ અપાર સફળતા સાથે ધન લાભ થઈ શકે છે. સ્વાસ્થ્ય પણ સારું રહેવાનું છે.
ધનુ રાશિ
આ રાશિના જાતકો માટે પણ મહાધન યોગ ખુબ લાભકારી સિદ્ધ થઈ શકે છે. આ રાશિમાં બુધ લગ્ન ભાવમાં ગોચર કરી રહ્યો છે. આવામાં આ રાશિના જાતકોને ભાગ્યનો પૂરો સાથ મળી શકે છે. આર્થિક સ્થિતિ મજબૂત બનશે. જે લોકો અપરણિત હોય તેમની શોધ પૂરી થઈ શકે છે. કારણ કે એક યોગ્ય જીવનસાથી મળી શકે છે. વેપાર અને ટ્રેડિંગ સંલગ્ન લોકોને પણ લાભ મળી શકે છે. પરિવાર સાથે સારો સમય વીતશે. વૈવાહિક જીવન આનંદમય રહેશે. આ સાથે જ નોકરીયાત લોકોને પણ અનેક જોબ ઓફર મળી શકે છે.
(Disclaimer: અહીં અપાયેલી માહિતી સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.)
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
