અંબાણી અને તાતા વચ્ચે અનોખી 'જંગ', બિઝનેસની દુનિયામાં મોટી હલચલ

આ બંનેની કંપનીઓ સારું પર્ફોમન્સ કરી રહી છે

અંબાણી અને તાતા વચ્ચે અનોખી 'જંગ', બિઝનેસની દુનિયામાં મોટી હલચલ

નવી દિલ્હી : રિલાયન્સ ઇન્ડસ્ટ્રીઝના ચેરમેન મુકેશ અંબાણી દેશની સૌથી ધનવાન વ્યક્તિ બની ગઈ છે. તેમની કંપની પણ સતત સારો દેખાવ કરી રહી છે. જિયાના દમ પર રિલાયન્સ ઇન્ડસ્ટ્રીએ 7 લાખ કરોડની માર્કેટ કેપને પાર કરી લીધી છે. રિલાયન્સ ઇન્ડસ્ટ્રીએ મુકેસ અંબાણીની વરણી આગામી ચાર વર્ષ માટે ચેરમેન તરીકે કરી છે અને નવો પડકાર આપ્યો છે નંબર વન બનવાનો. આ પડકારમાંથી પાર ઉતરવા સામનો કરવો પડશે તાતાનો. તેમની વચ્ચે પાંચ વર્ષથી અનોખી જંગ ચાલી રહી છે. 

શેરબજારમાં મુકેશ અંબાણી અને રતન તાતા વચ્ચે અનોખી લડાઈ ચાલી રહી છે. આ જંગ છે માર્કેટના બાદશાહ બનવાની. મુકેશ અંબાણીની રિલાયન્સ ઇન્ડસ્ટ્રી અને તાતા કન્સલ્ટન્સી સર્વિસીઝ વચ્ચે નંબર વન બનવા માટે લડાઈ ચાલી રહી છે. છેલ્લા પાંચ વર્ષમાં બે વાર આ કંપનીઓ એકબીજાની આગળપાછળ આવી ગઈ છે. હાલમાં તાતાની ટીસીએસ એક નંબર પર છે અને મુકેશ અંબાણીની આરઆઇએલ બીજા નંબર પર છે. જોકે રિલાયન્સ ઇન્ડસ્ટ્રી આ રેસમાં ઝપાટાભેર આગળ વધી રહી છે. 

બાદશાહ બનવાની આ જંગમાં મુકેશ અંબાણી અને રતન તાતા જેવા બે દિગ્ગજ શામેલ છે.  હાલમાં રિલાયન્સ ઇન્ડસ્ટ્રી અને તાતા કન્સલ્ટન્સી સર્વિસીઝની માર્કેટ કેપ 7 લાખ કરોડને પાર પહોંચી ગઈ છે. આ બંને કંપનીઓ વચ્ચે માત્ર 60 હજાર કરોડ રૂ.નું અંતર છે. આ સંજોગોમાં શેરબજારનો બાદશાહ કોણ છે એ નજીકના ભવિષ્યમાં ખબર પડી જશે. 

સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે

Trending news