Rangtaari Song OUT: આયુષને મળ્યું કરિયરનું પહેલું બ્લોકબસ્ટર ગીત, જુઓ Video

આયુષ શર્માની પહેલી ફિલ્મ 'લવરાત્રિ'નું નવું ગીત 'રંગતારી' રિલીઝ થયું છે

Updated: Sep 12, 2018, 04:32 PM IST
Rangtaari Song OUT: આયુષને મળ્યું કરિયરનું પહેલું બ્લોકબસ્ટર ગીત, જુઓ Video

મુંબઈ : નવોદિત કલાકાર આયુષ શર્માની પહેલી ફિલ્મ 'લવરાત્રિ' નજીકના ભવિષ્યમાં રિલીઝ થવાની છે ત્યારે હાલમાં આ ફિલ્મનું ગીત સલમાન ખાને ટ્વિટર અને યુ ટ્યૂબ પર રિલીઝ કર્યું છે. 'રંગતારી' શબ્દો ધરાવતા આ ગીતની ધૂન એટલી જબરદસ્ત છે કે તમે નાચ્યા વગર નહીં રહી શકો. આ ગીતને દેવ નેગીએ ગાયું છે અને મ્યુઝિક આપ્યું છે તનિષ્ક બાગચીએ. આ ગીતના શબ્દો શબ્બીર અહમદે લખ્યા છે. 

સલમાન ખાનના પ્રોડક્શન હેઠળ બનેલી ફિલ્મ ‘લવરાત્રિ‘ની રિલીઝમાં હવે ગણતરીના અઠવાડિયાની જ વાર છે. આ ફિલ્મથી સલમાન પોતાના જીજાજી આયુષને લોન્ચ કી રહ્યો છે અને ફિલ્મની હિરોઇન છે વરીના હુસૈન. આ ફિલ્મના અત્યાર સુધી રિલીઝ થયેલા ‘છોગાળા‘ અને ‘અખ લડ જાવે’માં વરીના અને આયુષની જબરદસ્ત કેમિસ્ટ્રી જોવા મળી રહી છે. થોડા સમય પહેલાં ફિલ્મનું રોમેન્ટિક ગીત 'તેરા હુઆ' રિલીઝ થયું છે. આ ગીતમાં આયુષ અને વરીના વડોદરા શહેરમાં ફરતા દેખાય છે. આ શહેર ફરતાફરતા તેમની લવસ્ટોરી રંગ પકડે છે. 

ઉલ્લેખનીય છે કે, કેટલાક હિન્દુત સંગઠનોએ આ ફિલ્મના શિર્ષક સામે વાંધો ઉઠાવ્યો છે અને એવો આક્ષેપ કર્યો છે કે શિર્ષક હિન્દુ તહેવાર નવરાત્રિનું નામ બદનામ કરે છે. આ વિશે સ્પષ્ટતા કરતા સલમાને કહ્યું છે કે અમે આ ફિલ્મ નવરાત્રિ તહેવારને અનુલક્ષીને બનાવી રહ્યાં છીએ. અમે સંગીત, પ્રેમ તથા તહેવારની મોસમના આનંદની ઉજવણી કરતી આ સુંદર ફિલ્મ બનાવી છે. એક વાર આ ફિલ્મ રિલીઝ થઈ જશે પછી એ લોકોને પણ લાગશે કે આમાં કંઈ વાંધાજનક નથી.

બોલિવૂડના સમાચાર જાણવા માટે કરો ક્લિક...

By continuing to use the site, you agree to the use of cookies. You can find out more by clicking this link

Close