સાચવીને વાપરશો રોકડા, સરકારે પણ સ્વીકાર્યું કે બેંકોમાં નથી પૈસા

ગુજરાતમાં છેલ્લા સાત દિવસથી રોકડા પૈસાની ભારે અછત છે અને મોટાભાગના એટીએમ ખાલીખમ છે

Punita Vaidya Punita Vaidya | Updated: Apr 17, 2018, 05:27 PM IST
સાચવીને વાપરશો રોકડા, સરકારે પણ સ્વીકાર્યું કે બેંકોમાં નથી પૈસા

અમદાવાદ : ગુજરાતમાં છેલ્લા સાત દિવસથી રોકડા પૈસાની ભારે અછત છે અને મોટાભાગના એટીએમ ખાલીખમ છે. આ સંજોગોમાં રાજ્યના નાયબ મુખ્યપ્રધાન નીતિન પટેલે સ્વીકાર્યું છે કે રોકડાની અછત પ્રવર્તે છે અને આ મામલે સત્તાવાર નિવેદન જાહેર કર્યુ છે. તેમણે પોતાના નિવેદનમાં કહ્યું છે ''હાલ રાજ્યમાં નાણાંની અછત છે. આરબીઆઇના રિજિયોનલ મેનેજરને આ વાતની જાણ કરવામાં આવી છે. આ મામલે મુખ્ય સચિવ સાથે પણ વાત કરવામાં આવી છે અને વહેલી તકે નાણાં ઉપલબ્ધ કરાવવા માટે જણાવવામાં આ્વ્યું છે. આ હાલાકીને કારણે ખેડૂતોની તકલીફ વધી છે. આ સંજોગોમાં રોકડ રકમ ઉપલબ્ધ કરાવવા જણાવ્યું છે. ગુજરાતમાં સાત દિવસથી રોકડ પૈસાની અછત છે અને એટીએમ ખાલી થઈ ગયા છે. જોકે આ સમસ્યાનો બે દિવસમાં ઉકેલ લાવી દેવામાં આવશે.''

પ્રવિણ તોગડિયાના અનિશ્ચિતકાલીન અનશનનો પ્રારંભ, સાધુ-સંતોનો મોટી સંખ્યામાં જમાવડો

રાજ્યના અલગઅલગ શહેરોમાં એટીએમમાં રોકડની અછતની ફરીયાદો મળી છે ત્યારે અમદાવાદના મોટાભાગના એટીએમમાં પણ રોકડ ન હોવાની મુશ્કેલી જોવા મળી છે. આ ઉપરાંત કેટલાક એટીએમ પણ બંધ હાલતમાં જોવા મળ્યા હતા. શહેરના મોટાભાગના એટીએમમાં નાણાં ન મળતા હોબાળો મચી ગયો હતો.

નાણામંત્રી અરૂણ જેટલીએ કહ્યું- ક્યાં ગયા એટીએમના પૈસા?? 

અમદાવાદમાં એટીએમમાંથી નાણાં ન મળતા લોકોની મુશ્કેલીમાં ભારે વધારો થયો છે. છેલ્લા 2 દિવસથી શહેરમાં એટીએમની આ હાલત છે. હાલમાં એટીએમમાં 500 અને 2000ની નોટોની અછત જોવા મળી છે. આ પહેલાં આવી સમસ્યા નોટબંધી વખતે જોવા મળી હતી. નોટબંધી પછી મહિનાઓ સુધી એટીએમની હાલત આવી જ હતી જેના કારણે નાગરિકોને ભારે સમસ્યાનો સામનો કરવો પડ્યો હતો. હવે ફરીથી 500 અને 2000 રૂ.ની નોટની તંગીના પગલે નાગરિકોને એટીએમની પાછળ લાઇન લગાવવાની પરિસ્થિતિ ઉભી થઈ છે.  

By continuing to use the site, you agree to the use of cookies. You can find out more by clicking this link

Close