PM મોદીની ફિટનેસ ચેલેન્જ પર કુમારસ્વામીનો જવાબ, કહ્યું- મને તમારી મદદ જોઈએ

બેંગલુરૂઃ પીએમ નરેન્દ્ર મોદીની ફિટનેસ ચેલેન્જ પર કર્ણાટકના મુખ્યપ્રધાન કુમારસ્વામીએ પણ જવાબ આપ્યો છે. કુમારસ્વામીએ પોતાના સ્વાસ્થ્ય પ્રત્યે ચિંતા વ્યક્ત કરવા માટે પીએમ મોદીનો આભાર માનતા કટાક્ષ કર્યો છે કે, તેમને રાજ્યના ફિટનેસની વધુ ચિંતા છે. કુમારસ્વામીએ રાજ્યની ફિટનેસ સુધારવા માટે પીએમ મોદી પાસે સમર્થન માંગ્યું છે. 

PM advised everybody to be fit in their work, for that I welcome it. In my personal view our govt isn't individually bothered about fitness issue. My fitness is K'taka's fitness,people have to be fit in every work, that's my top priority: K'taka CM on fitness challenge by PM Modi pic.twitter.com/wcCg8eBYGt

— ANI (@ANI) June 13, 2018

મહત્વનું છે કે, બુધવારે પીએમ મોદીએ પોતાના ટ્વીટર હેન્ડલથી કસરતનો એક વીડિયો પોસ્ટ કર્યો. તેમાં પીએમ યોગ સિવાય અલગ-અલગ એક્સરસાઇઝ કરતા દેખાયા હતા. ત્યારબાદ બીજા ટ્વીટમાં મોદીએ કર્ણાટકના સીએમ કુમારસ્વામી, ટેબલ ટેનિસ ખેલાડી મોનિકા બત્રા અને 40થી વધુ ઉંમરના આઈપીએસ ઓફિસરોને ફિટનેસ ચેલેન્જ આપી. 

I am delighted to nominate the following for the #FitnessChallenge:

Karnataka’s CM Shri @hd_kumaraswamy.

India’s pride and among the highest medal winners for India in the 2018 CWG, @manikabatra_TT.

The entire fraternity of brave IPS officers, especially those above 40.

— Narendra Modi (@narendramodi) June 13, 2018

તેની પ્રતિક્રિયામાં કુમારસ્વામીએ પણ કર્ણાટકના સીએમના ટ્વીટર હેન્ડલ પરથી જવાબ આપ્યો. કુમારસ્વામીએ પીએમ મોદીનો આભાર વ્યક્ત કરતા લખ્યું, મારા સ્વાસ્થ્ય પ્રત્યે ચિંતા વ્યક્ત કરવા માટે તમારો આભાર માનું છું. કર્ણાટકના સીએમે લખ્યું, હું માનું છું કે ફિઝિકલ ફિટનેસ બધા માટે મહત્વપૂર્ણ છે અને તેનું સમર્થન કરૂ છું. યોગ-ટ્રેડમિલ મારા રોજના વર્કઆઉટનો ભાગ છે. તેમ છતાં હું મારા રાજ્યની ફિટનેસ પ્રત્યે વધુ ચિંતિત છું અને તે માટે તમારૂ સમર્થન ઈચ્છું છું. 

Here are moments from my morning exercises. Apart from Yoga, I walk on a track inspired by the Panchtatvas or 5 elements of nature - Prithvi, Jal, Agni, Vayu, Aakash. This is extremely refreshing and rejuvenating. I also practice
breathing exercises. #HumFitTohIndiaFit pic.twitter.com/km3345GuV2

— Narendra Modi (@narendramodi) June 13, 2018

ઉલ્લેખનીય છે કે, કેન્દ્રીય પ્રધાન રાજ્યવર્ધન સિંહ રાઠોડે ટ્વીટર પર ફિટનેસ ચેલેન્જની શરૂઆત કરી હતી. ત્યારબાદ ભારતીય ટીમના કેપ્ટન વિરાટ કોહલીએ પીએમ મોદીને ફિટનેસ ચેલેન્જ આપી હતી. તે સમયે પીએમે કહ્યું હતું કે, તેઓ જલદી એક વીડિયો પોસ્ટ કરશે. બુધવારે પીએમે વીડિયો પોસ્ટ કરતા કુમારસ્વામીને ચેલેન્જ આપી. ત્યારબાદ કર્ણાટકના સીએમનો આ જવાબ સામે આવ્યો હતો.