35ની થઈ કેટરિના, જાણો તેના બર્થ-ડે પ્લાન એક ક્લિક પર

કેટરિના આજે 35 વર્ષની થઈ ગઈ છે. તે આ દિવસની ઉજવણી ઇંગ્લેન્ડની કન્ટ્રી સાઇડ પર પોતાના પરિવાર સાથે કરી રહી છે. કેટરિના કહે છે કેતે જન્મદિવસે વધારે પ્લાન નથી કરતી કે ઉજવણી વિશે વધારે વિચારણા નથી કરતી. 

કેટરિનાએ કહ્યું છે કે,`મારો જન્મદિવસ પરિવાર સાથે સારો સમય ગાળવા માટે છે. મારે તેમને મારો જન્મદિવસ યાદ કરાવવાની જરૂર નથી. હું દર વર્ષે તેમની સાથે એક યાદગાર દિવસ ગાળવાનો પ્રયાસ કરું છું.`

કેટરિનાએ કહ્યું છે કે 'આજના દિવસે હું મારી બહેન સાથે કન્ટ્રીસાઇડની એક જગ્યા પર છું. આજના દિવસે હું બહુ ખુશ છું. આ દિવસ દર વર્ષે મસ્તી કરવાની સાથેસાથે શાંતિ અને આરામથી ગાળવા માટે હોય છે.'

કેટરિના હાલમાં સલમાનની દબંગ ટૂરનો હિસ્સો હતી. તે થોડો સમય કામથી દૂર છે. હાલમાં એક ઇન્ટરવ્યૂમાં તેણે જણાવ્યું છે કે મારે હવે માત્ર આનંદ એલ. રાયની `ઝીરો`ના એક ગીતનું શૂટિંગ આટોપવાનું બાકી છે. 

વર્કફ્રન્ટની વાત કરીએ તો કેટરિન પાસે 'ઝીરો' અને આમિર ખાનની 'ઠગ્સ ઓફ હિંદોસ્તાન' જેવી ફિલ્મો છે.