ગણેશ ચતુર્થીઃ મુકેશ અંબાણીના ઘરે ફિલ્મસ્ટારોનો મેળાવડો, ત્રણ ખાન સલમાન, શાહરૂખ અને આમિર જોવા મળ્યા સાથે

બોલિવૂડમાં કિંગ ખાન તરીકે ઓળખાતો શાહરૂખ સફેદ રંગના પઠાણી સૂટ પર બ્રાઉન રંગના ફોર્મલ શૂઝ પહેરીને આવ્યો હતો. શાહરૂખની પત્ની ગૌરી પણ ડિઝાઈનર ડ્રેસમાં જોવા મળી હતી. 

કરીના કપૂર ખાન બહેન કરીશ્મા સાથે પાર્ટીમાં પહોંચી હતી. કરિશ્માએ પીળા રંગનો સૂટ પહેર્યો હતો તો કરીના કપુર બનારસી સૂટ પર પિંક રંગનો દુપટ્ટો કરીને નવા કોમ્બિનેશન સાથે આવી હતી. 

ક્રિકેટર સચિન તેંડલકર પોતાની પત્ની અંજલી અને પુત્ર અર્જુન સાથે પાર્ટીમાં આવ્યો હતો. 

બોલિવૂડમાં દંગલ ગર્લ્સથી ઓળખાતી સનાયા મલ્હોત્રા અને ફાતિમા સના શેખ પણ અંબાણી પરિવારની મહેમાન બની હતી. 

બોલિવૂડમાં જાણીતો નિર્માતા-દિગ્દર્શક કરણ જોહર પણ અંબાણી પરિવારના નજીકના મિત્રોમાંનો એક છે. 

મોટી ઉંમરે પણ યુવાન અભિનેત્રીઓને શરમાવી દેતી અભિનેત્રી રેખા સિલ્ક કાંજીવરમ સાડીમાં જલવો પાથરતી જોવા મળી હતી. 

બોલિવૂડનો હોટ ચહેરો અને ડાન્સિંગ દીવાથી પ્રખ્યાત એવી માધુરી દિક્ષીત તેના પતિ શ્રીરામ નેને સાથે પાર્ટીમાં પહોંચી હતી. 

પ્રસિદ્ધ અભિનેતા અને ભાજપના નેતા શત્રુધ્ન સિંહાના પત્ની પૂનમ સિંહા પોતાના પુત્ર અને પુત્ર સાથે પરંપરાગત વસ્ત્રોમાં આવ્યા હતા. 

મુકેશ અંબાણીના ઘરે આયોજિત ગણેશોત્સવ નિમિત્તે આવી રહેલા મહેમાનોનું નીતા અંબાણી અને તેમના પુત્રએ સ્વાગત કર્યું હતું. તેઓ દરેક મહેમાનને ભાવપૂર્વક આવકારતા હતા. નીતા અંબાણીએ લાલ રંગની ચોલીમાં જોવા મળ્યા હતા. 

બિગ બોસ હોસ્ટ અને અભિનેતા સલમાન ખાન બ્લેક રંગના પઠાણી સુટમાં આવ્યો હતો. તે કેટરિના કૈફ સાથે ફરતો જોવા મળ્યો હતો. 

જેકીશ્રોફ પરંપરાગત મરાઠી શૈલીના કપડામાં આવ્યો હતો. તેણે મરાઠી ટોપી અને ધોતી-ઝભ્ભો પહેર્યો હતો. રેખાનો હાથ પકડીને તેણે મુકેશ અંબાણીના ઘરમાં પ્રવેશ કર્યો હતો. 

પાર્ટીમાં કેટરીના કૈફ સલમાન ખાન સાથે ફરતી જોવા મળી હતી. આથી, બોલિવૂડમાં નવી ચર્ચાઓને બળ મળ્યું હતું.  (ફોટો સાભાર : Yogen Shah)