Photos : સાબરમતી કાંઠે ખુલ્લું મૂકાયું રિવરફ્રન્ટ હાઉસ, ખાસ કામ માટે લેવાશે ઉપયોગમાં...

44 કરોડના ખર્ચે રિવરફ્રન્ટ હાઉસ ઉભુ કરાયું છે. રિવરફ્રન્ટ હાઉસ સાબરમતી નદીની પશ્ચિમ બાજુએ ગાંધી અને નહેરુ બ્રિજની વચ્ચે તેમજ વલ્લભસદનની પાછળ બનાવવામાં આવ્યું છે. 1,901 ચોરસ મીટર વિસ્તારમાં તેને બનાવવામાં આવ્યું છે.

સાબરમતી રિવરફ્રન્ટ ડેવલપમેન્ટ કંપનીની સ્થાપનાનાં 21 વર્ષ બાદ વોલ્યુમેટ્રિક બાયલોઝ પ્રમાણેનું પહેલું મોડલ બિલ્ડિંગ એટલે કે સાબરમતી રિવરફ્રન્ટ ડેવલપમેન્ટ કોર્પોરેશન લિમિટેડ હાઉસ તૈયાર કરાયું છે. રિવરફ્રન્ટ હાઉસમાં અદ્યતન ‌લિફ્ટ, સેન્ટ્રલી એસી સહિતના લાઈટને લગતાં વિવિધ કામ પાછળ સરેરાશ 1.5 કરોડ રૂપિયા ખર્ચવામાં આવ્યા છે.

હાઉસનો પહેલો, ત્રીજો, ચોથો અને પાંચમો માળ વિવિધ કોર્પોરેટ કંપનીને જ્યારે ટોપ ફલોર રેસ્ટોરાં માટે લીઝ પર અપાશે. સમગ્ર બિલ્ડિંગમાં 3 અલગ અલગ પાર્કિંગની વ્યવસ્થા કરાઈ છે. રિવરફ્રન્ટ હાઉસના પાર્કિગ એરિયામાં 156 સ્કૂટર અને 56 કાર પાર્ક કરી શકાશે

રિવરફ્રન્ટ હાઉસમાં ગ્રાઉન્ડ ફ્લોર પર મ્યુઝિયમ અને એક્ઝિબિશન કરનારાઓને આપવામાં આવશે. રિવરફ્રન્ટ હાઉસની આસપાસ આવેલા 15 જેટલા પ્લોટોની કમર્શિયલ વપરાશ માટે હરાજી કરવામાં આવશે. 

રિવરફ્રન્ટ હાઉસ પાસે સ્ટેનલેશ સ્ટીલનો મોટા દીવો પણ મૂકવામાં આવશે. આ દીવો 36 ફૂટ ઊંચો અને 16 ફૂટ વ્યાસ ધરાવતો તેમજ તેનું વજન ત્રણ ટન રહેશે. આ દીવો વિશ્વમાં સૌથી ઊંચો સોલર લાઇટથી ઓટોમેટિક ઝળહળતો દીવો હશે.