କୌଣସି ରାଜ୍ୟ ଟ୍ରେନ୍ ଚଳାଚଳ ବନ୍ଦ କରିବାକୁ କହିଛନ୍ତି କି? ରେଳ ବୋର୍ଡ ଅଧ୍ୟକ୍ଷ ଦେଲେ ଏହି ସୂଚନା

ନୂଆଦିଲ୍ଲୀ: ଲଗାତର କୋରୋନା ମାମଲା (Coronavirus Cases) ଦ୍ରୁତ ଗତିରେ ବୃଦ୍ଧି ପାଉଛି । ଏହି ମହାମାରୀ ଭୂତାଣୁର ସଂକ୍ରମଣର ପ୍ରସାରକୁ ରୋକିବା ପାଇଁ ଦିଲ୍ଲୀ ସମେତ ଅନେକ ରାଜ୍ୟରେ ୱିକେଣ୍ଡରେ କଠୋର କର୍ଫ୍ୟୁର ଘୋଷଣା କରାଯାଇଛି । ଏହି ସମୟରେ ଭାରତୀୟ ରେଳ ବୋର୍ଡ ଅଧ୍ୟକ୍ଷ (Indian Railway board chairman) ସୁନୀତ ଶର୍ମା ଶୁକ୍ରବାର କହିଛନ୍ତି ଯେ ଏପର୍ଯ୍ୟନ୍ତ କୌଣସି ରାଜ୍ୟ ଟ୍ରେନ ସେବା ବନ୍ଦ କରିବାକୁ ଅନୁରୋଧ କରିନାହାଁନ୍ତି । ସେ କହିଛନ୍ତି ଯେ ଯେଉଁଠାରେ ରାଜ୍ୟଗୁଡ଼ିକ କଣ୍ଟେନମେଣ୍ଟ ଜୋନ୍ ବିଷୟରେ ଚିନ୍ତା ପ୍ରକଟ କରିଛନ୍ତି, ସେଠାରେ ଯାତ୍ରୀମାନଙ୍କର ରେଣ୍ଡମ୍ ଯାଞ୍ଚ ଓ ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ଯାଞ୍ଚ କରାଯାଉଛି ।

ଅଧିକ ପଢ଼ନ୍ତୁ:-ଜେଲରୁ ମୁକୁଳିବେ ଲାଲୁ ଯାଦବ! ଦୁମକା କୋଷାଗାର ମାମଲାରେ ମିଳିଲା ଜାମିନ

ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବାବେଳେ ଶର୍ମା କହିଛନ୍ତି ଯେ, ରେଳବାଇ ଇଙ୍ଗିତ କରିଛି ଯେ ଆଇଆରସିଟିସି ଟିକେଟ୍ ବୁକିଂ ୱେବସାଇଟରେ ଦିଆଯାଇଥିବା ପ୍ରୋଟୋକଲକୁ ସମସ୍ତ ରାଜ୍ୟ ଅନୁସରଣ କରୁଛନ୍ତି । ୱେବସାଇଟରେ ଏହା କୁହାଯାଉଛି ଯେ ଯାତ୍ରୀଙ୍କୁ କେଉଁ କ୍ଷେତ୍ରରେ ଯିବା ପୂର୍ବରୁ RT-PCR ଯାଞ୍ଚ କରିବାକୁ ପଡିବ କିମ୍ବା ଯିବା ପୂର୍ବରୁ କୋଭିଡ-19 (COVID-19) ର ପଜିଟିଭ ପ୍ରମାଣପତ୍ର ନେବାକୁ ପଡିବ କିମ୍ବା କେଉଁଠାରେ ପହଞ୍ଚିଲେ ସେମାନଙ୍କୁ ଯାଞ୍ଚ ପ୍ରକ୍ରିୟା ଦେଇ ଯିବାକୁ ପଡିବ ।

ଅଧିକ ପଢ଼ନ୍ତୁ:-କୋରୋନାର ଦ୍ୱିତୀୟ ଲହରୀରୁ କେମିତି ପାଇବେ ରକ୍ଷା? WHO କହିଲା କ’ଣ ଖାଇବେ ଓ କ’ଣ ନୁହେଁ...

ସେ କହିଛନ୍ତି ଯେ, ଏପର୍ଯ୍ୟନ୍ତ କୌଣସି ରାଜ୍ୟ ସରକାର ଟ୍ରେନ୍ ଚଳାଚଳ ବନ୍ଦ କରିବାକୁ କହି ନାହାଁନ୍ତି । କିନ୍ତୁ ଯେଉଁଠାରେ ଚିନ୍ତା ଅଛି, ରାଜ୍ୟ ସରକାର ଆମ ସହ ଏହି ବିଷୟରେ ଆଲୋଚନା କରିଛନ୍ତି ଏବଂ ଯେଉଁଠାରେ ନିଷିଦ୍ଧ ଅଞ୍ଚଳ ଅଛି ସେଠାରେ ରେଣ୍ଡମ ଯାଞ୍ଚ କରାଯାଉଛି । ଇ-ଟିକେଟ୍ ପାଇବା ପାଇଁ ରେଳବାଇ ୱେବସାଇଟରେ ସମସ୍ତ ସୂଚନା ଦେଇଛି ଏବଂ ଯାତ୍ରୀମାନଙ୍କୁ ସୂଚନା ଦିଆଯାଇଛି ଯେ ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ସେମାନଙ୍କୁ ଯାଞ୍ଚ କରିବାକୁ ପଡିବ କିମ୍ବା କୋଭିଡ-19 ପ୍ରମାଣପତ୍ର ନେବାକୁ ପଡିବ ।

ଶର୍ମା ଏହା ମଧ୍ୟ କହିଛନ୍ତି ଯେ, ରେଳବାଇ ଯାତ୍ରୀମାନଙ୍କୁ ଥର୍ମାଲ ସ୍କାନ କରୁଛି ଏବଂ କୋଭିଡ-19 ପ୍ରୋଟୋକଲ ଅନୁଯାୟୀ ଜରିମାନା ପରିମାଣକୁ ମଧ୍ୟ ସୂଚିତ କରିଛି । ସେ ଶ୍ରମିକ୍ ସ୍ପେଶାଲ୍ ଟ୍ରେନ୍ ଚଲାଇବାର ସମ୍ଭାବନାକୁ ଏଡ଼ାଇ ଦେଇ କହିଛନ୍ତି ଯେ ଚାହିଦା ଏବଂ ଆବଶ୍ୟକତା ଅନୁଯାୟୀ ଟ୍ରେନ୍ ଚଳାଚଳ କରିବ । ଷ୍ଟେସନରେ ଯାତାୟାତ ବନ୍ଦ କରିବା ଲକ୍ଷ୍ୟରେ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରାଯାଇଛି ବୋଲି ଶର୍ମା କହିଛନ୍ତି ।

ଅଧିକ ପଢ଼ନ୍ତୁ:-କୋରୋନା ସଂକ୍ରମିତ ହେଲେ ସୋନୁ ସୁଦ

କୋଭିଡ୍ କେୟାର ସେଣ୍ଟର ଭାବରେ ବ୍ୟବହୃତ ହେବାକୁ ଥିବା ରୂପାନ୍ତରିତ କୋଚ୍ ବିଷୟରେ ପଚରାଯିବାରୁ ଶର୍ମା କହିଛନ୍ତି ଯେ, "ଦେଶର ବିଭିନ୍ନ ସ୍ଥାନରେ ଆମର ୪,୦୦୦ ଆଇସୋଲେଶନ କୋଚ୍ (ବଗି) ଅଛି । ଆମେ ମହାରାଷ୍ଟ୍ରର ନନ୍ଦୁରବରରୁ ୧୦୦ରୁ ଅଧିକ ବଗିର ଦାବି ପାଇଛୁ ଏବଂ ୨୦ଟି ଆଇସୋଲେଶନ କୋଚ୍ ଯୋଗାଇ ଦିଆଯାଇଛି ।"

ଅଧିକ ପଢ଼ନ୍ତୁ:-ଯଦି ଭାରତରେ ଲାଗେ ୧ ମାସର ଲକଡାଉନ୍, ତ GDP ରେ ହେବ...

ଶର୍ମା କହିଛନ୍ତି ଯେ, "ରେଳବାଇ ମୁମ୍ବାଇ, ଗୁଜୁରାଟ, କର୍ଣ୍ଣାଟକର ସମସ୍ତ ଷ୍ଟେସନ ଉପରେ ତୀକ୍ଷ୍ଣ ନଜର ରଖିଛି । ଯେଉଁଠାରେ ଚାହିଦା ଅଧିକ ଥାଏ ଏବଂ ଜୋନାଲ ଜେନେରାଲ ମ୍ୟାନେଜରମାନଙ୍କୁ ଅତିରିକ୍ତ ଟ୍ରେନ୍ ଚଳାଇବାକୁ ଅଧିକାର ଦିଆଯାଇଛି । ମୁଁ ଆପଣଙ୍କୁ ନିଶ୍ଚିତ କରୁଛି ଯେ ସେବାରେ ଅଭାବ ନାହିଁ, ବିଶେଷ କରି ମୁମ୍ବାଇ, ସୁରଟ ଏବଂ ବେଙ୍ଗାଲୁରୁରେ ପରିସ୍ଥିତି ସ୍ୱାଭାବିକ ।"