'ಸಾಹೋ' ನಂತರ ಬಾಲಿವುಡ್ ಗೆ ಪ್ರಭಾಸ್ ಎಂಟ್ರಿ ?

    

Last Updated : Jan 2, 2018, 08:09 PM IST
'ಸಾಹೋ' ನಂತರ ಬಾಲಿವುಡ್ ಗೆ ಪ್ರಭಾಸ್ ಎಂಟ್ರಿ ? title=

ನವದೆಹಲಿ: ರಾಜ್ ಮೌಳಿಯ ಬಾಹುಬಲಿ ಚಿತ್ರದ ಮೂಲಕ ದೇಶಾದ್ಯಂತ ಸಿನಿಪ್ರೇಕ್ಷಕರ ಮನದಲ್ಲಿ ನೆಲೆಯೂರಿರುವ ದಕ್ಷಿಣ ಭಾರತದ ನಟ ಪ್ರಭಾಸ್ ತಮ್ಮ ಬಹು ನಿರೀಕ್ಷಿತ ಆಕ್ಷನ್ ಚಿತ್ರ ಸಾಹೋ ನಂತರ ಬಾಲಿವುಡ್ ನಲ್ಲಿ ರೊಮ್ಯಾಂಟಿಕ್ ಚಿತ್ರವೊಂದಕ್ಕೆ ನಾಯಕರಾಗುತ್ತಾರೆ ಎನ್ನುವ ಗಾಸಿಪ್ ಬಾಲಿವುಡ್ನಲ್ಲಿ ಹರಿದಾಡುತ್ತಿದೆ.

ಬಾಲಿವುಡ್ ನ ವೆಬ್ಸೈಟ್ ವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡುತ್ತಾ " ನಾನು ಬಹಳಷ್ಟು ಹಿಂದಿ ಸಿನಿಮಾಗಳನ್ನು ನೋಡುತ್ತೇನೆ. ಅದರಲ್ಲೂ ನಾನು ಹೈದರಾಬಾದ್ ನಂತಹ ನಗರದಲ್ಲಿ ವಾಸಿಸುತ್ತಿರುವುದರಿಂದ ಅಲ್ಲಿ ಶೇಕಡಾ 60 ರಷ್ಟು ಜನರು ಹಿಂದಿ ಮಾತನಾಡುತ್ತಾರೆ. ಈಗಾಗಾಲೇ ನನಗೆ ಬಾಲಿವುಡ್ ನಿಂದ ಉತ್ತಮ ಅವಕಾಶಗಳು ಬರುತ್ತಿದ್ದು , ಮೂರುವರ್ಷಗಳ ಹಿಂದೆ ನಾನು ಲವ್ ಸ್ಟೋರಿಯ ಕಥಾಹಂದರವಿರುವ ಚಿತ್ರಕ್ಕೆ ಒಪ್ಪಿಗೆ ನೀಡಿದ್ದೆ, ಸಾಹೋ ಚಿತ್ರ ಮುಗಿದ ನಂತರ ನಾನು ಆ ಚಿತ್ರದಲ್ಲಿ ನಟಿಸುತ್ತೇನೆ "ಎಂದು  ಬಾಹುಬಲಿ ಖ್ಯಾತಿಯ ಪ್ರಭಾಸ್ ಹೇಳಿದ್ದಾರೆ. 

ಹಾಗಾದರೆ ನಾವು ಆ ಚಿತ್ರ ಯಾವುದು ಎಂದು ತಿರ್ಮಾನವಾಗಬೇಕಾದರೆ ಸಾಹೋ ಚಿತ್ರ ಮುಗಿಯುವವರೆಗೆ ಕಾಯಬೇಕು ಎನ್ನುವುದು ಸದ್ಯದ ಬಾಲಿವುಡ್ ಸಮಾಚಾರ.

 

Trending News