ಜನ್ಮ ದಿನದ ಸಂಭ್ರಮದಲ್ಲಿ ಬಾಲಿವುಡ್ 'ಬಿಗ್ ಬಿ'

ಅಮಿತಾಬ್ ಬಚ್ಚನ್ 1969ರಲ್ಲಿ 'ಭವ ಶೋಮ್' ಚಿತ್ರದ ಕಲಾವಿದನಿಗೆ ತಮ್ಮ ಧ್ವನಿ ನೀಡುವ ಮೂಲಕ ತಮ್ಮ ಚಿತ್ರರಂಗದ ಜೀವನವನ್ನು ಪ್ರಾರಂಭಿಸಿದರು. ಈ ಚಿತ್ರವು ರಾಷ್ಟ್ರೀಯ ಪ್ರಶಸ್ತಿಗೂ ಪಾತ್ರವಾಗಿತ್ತು.  

Yashaswini V Yashaswini V | Updated: Oct 11, 2018 , 07:07 AM IST
ಜನ್ಮ ದಿನದ ಸಂಭ್ರಮದಲ್ಲಿ ಬಾಲಿವುಡ್ 'ಬಿಗ್ ಬಿ'

ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಇಂದು ತಮ್ಮ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ. 1969ರಲ್ಲಿ 'ಭವ ಶೋಮ್' ಚಿತ್ರದ ಕಲಾವಿದನಿಗೆ ತಮ್ಮ ಧ್ವನಿ ನೀಡುವ ಮೂಲಕ ತಮ್ಮ ಚಿತ್ರರಂಗದ ಜೀವನವನ್ನು ಪ್ರಾರಂಭಿಸಿದರು. ಈ ಚಿತ್ರವು ರಾಷ್ಟ್ರೀಯ ಪ್ರಶಸ್ತಿಗೂ ಪಾತ್ರವಾಗಿತ್ತು. ನಂತರ 'ಸೆವೆನ್ ಹಿಂದೂಸ್ಥಾನಿ'ಯಲ್ಲಿ ಮೊದಲ ಬಾರಿಗೆ ಅಭಿನಯಿಸುವ ಮೂಲಕ 'ಬಿಗ್ ಬಿ' ತೆರೆಯ ಮೇಲೆ ಕಾಣಿಸಿಕೊಂಡರು. ಅದಾಗ್ಯೂ, 1973ರ 'ಜಾಂಜೀರ್' ಚಿತ್ರದಲ್ಲಿ ಅಭಿನಯಿಸುವ ಮೂಲಕ ಬಾಲಿವುಡ್ ಮನ್ನಣೆ ಪಡೆದರು. ಈ ಚಿತ್ರದಲ್ಲಿ ಅವರು ಇನ್ಸ್ಪೆಕ್ಟೆರ್ ವಿಜಯ್ ಖನ್ನಾ ಪಾತ್ರ ನಿರ್ವಹಿಸಿದ್ದರು. ಅಮಿತಾಬ್ ರ ಈ ಚಿತ್ರಕ್ಕಾಗಿ 'ಆಂಗ್ರಿ ಯಂಗ್ ಮ್ಯಾನ್' ಪ್ರಶಸ್ತಿಯನ್ನು ಪಡೆದುಕೊಂಡರು.

ನಂತರದಲ್ಲಿ ಬಾಲಿವುಡ್ ನಲ್ಲಿ ಅನೇಕ ಹಿಟ್ ಚಿತ್ರಗಳನ್ನು ನೀಡಿದ ಬಿಗ್ ಬಿ ಕ್ರಮೇಣ ಪ್ರೇಕ್ಷಕರ ನೆಚ್ಚಿನ ನಟರಾದರು. ಅದಾಗ್ಯೂ 1982ರಲ್ಲಿ 'ಕೂಲಿ' ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಅಪಘಾತಕ್ಕೊಳಗಾಗಿ ಅಭಿಮಾನಿಗಳಲ್ಲಿ ಆತಂಕ ಉಂಟು ಮಾಡಿತ್ತು. ವಾಸ್ತವವಾಗಿ, ಅಮಿತಾಬ್ ಆ ಸಂದರ್ಭದಲ್ಲಿ ಹೊಟ್ಟೆಯಲ್ಲಿ ತೀವ್ರವಾದ ಗಾಯಗಳಿಂದ ಬಳಲುತ್ತಿದ್ದರು, ಅಲ್ಲದೆ ಬಹಳ ರಕ್ತ ಸೋರಿಕೆಯಾಗಿತ್ತು. ಅಮಿತಾಬ್ ನ ಈ ಗಂಭೀರವಾದ ಸ್ಥಿತಿಯಲ್ಲಿ ಇಡೀ ದೇಶ ಅವರೊಂದಿಗೆ ನಿಂತಿತ್ತು. ಅಮಿತಾಬ್ ಗುಣಮುಖರಾದರೂ ಕೂಡ ಅವರು ಚಲನಚಿತ್ರಗಳಿಂದ ಕೆಲ ಸಮಯ ವಿರಾಮ ತೆಗೆದುಕೊಂಡರು.

ಇದರ ನಂತರ, 1984ರಲ್ಲಿ ಅವರು ರಾಜೀವ ಗಾಂಧಿಯನ್ನು ಬೆಂಬಲಿಸುತ್ತಿರುವಾಗ ರಾಜಕೀಯ ಪ್ರವೇಶಿಸಿದರು. 8ನೇ ಲೋಕಸಭಾ ಚುನಾವಣೆಯಲ್ಲಿ ಅಲಹಾಬಾದ್ ನಿಂದ ಎಚ್.ಎನ್. ಬಹುಗುಣ ಅವರ ವಿರುದ್ಧ ಗೆದ್ದರು. ಅದಾಗ್ಯೂ, ಅವರ ರಾಜಕೀಯ ಜೀವನ ಚುಟುಕಾಗಿತ್ತು. ಮೂರೇ ವರ್ಷಗಳಲ್ಲಿ ಅವರು ತಮ್ಮ ಸಂಸದ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ಇದರ ನಂತರ ಅವರು 1988 ರಲ್ಲಿ 'ಶಹಾನ್ಷಹ್' ಚಿತ್ರದೊಂದಿಗೆ ಹಿಂದಿರುಗಿದರು. ಆ ಚಿತ್ರವು ಗಲ್ಲಾ ಪೆಟ್ಟಿಗೆಯಲ್ಲಿ ಬಹಳ ಸದ್ದು ಮಾಡಿತ್ತು. ಇದರ ನಂತರ, ಅವರು 'ಜಾದುಗರ್', 'ಟೌಫಾನ್', 'ಐ ಆಜಾದ್ ಹೂನ್' ಮುಂತಾದ ಚಿತ್ರಗಳಲ್ಲಿ ಕೆಲಸ ಅಮಿತಾಬ್ ಕೆಲಸ ಮಾಡಿದರು. 1991 ರಲ್ಲಿ ಅವರು 'ಹಮ್' ಚಿತ್ರದಲ್ಲಿ ಅಭಿನಯಿಸಿದರು. ಈ ಚಿತ್ರದ ಅಭಿನಯಕ್ಕಾಗಿ ಅವರಿಗೆ ಮೂರನೇ ಬಾರಿಗೆ ಅತ್ಯುತ್ತಮ ನಟನಾಗಿ ಫಿಲ್ಮ್ಫೇರ್ ಪ್ರಶಸ್ತಿಯನ್ನು ನೀಡಲಾಯಿತು.

ಇದರ ನಂತರ ಅಮಿತಾಭ್ 1995 ರಲ್ಲಿ ಎಬಿಸಿಎಲ್ ಎಂಬ ಕಂಪೆನಿಯನ್ನು ಆರಂಭಿಸಿದರು. ಇಡೀ ಬಾಲಿವುಡ್ ಅನ್ನು ಒಂದೇ ಛಾವಣಿಯಡಿಯಲ್ಲಿ ತರಲು ಪ್ರಯತ್ನಿಸಿದ ಕಂಪನಿ ಇದು. ಚಲನಚಿತ್ರ ವಿತರಣೆ, ಟಿವಿ ನಿರ್ಮಾಣ ಮತ್ತು ಈವೆಂಟ್ ನಿರ್ವಹಣೆ ಎಲ್ಲವು ಇದ್ದವು. ಅವರ ವ್ಯವಹಾರವು ಮೊದಲ ವರ್ಷಕ್ಕೆ ಉತ್ತಮವಾಗಿತ್ತು ಆದರೆ ಎರಡನೇ ವರ್ಷದಲ್ಲಿ ಆತ ತೊಂದರೆಗಳನ್ನು ಎದುರಿಸಬೇಕಾಯಿತು ಮತ್ತು ಅವನ ವ್ಯವಹಾರವು ಬಹಳ ಕಾಲ ಉಳಿಯಲಿಲ್ಲ. ಇದರ ನಂತರ, ಅವರು ಯಶ್ ಚೋಪ್ರಾ ಅವರ 'ಮೊಹಬ್ಬಟೀನ್' ಚಿತ್ರದಲ್ಲಿ 2000 ನೇ ಇಸವಿಯಲ್ಲಿ ಕೆಲಸ ಮಾಡಿದರು. ಇದಕ್ಕಾಗಿ ಅವರು ಅತ್ಯುತ್ತಮ ಪೋಷಕ ನಟ ಫಿಲ್ಮ್ಫೇರ್ ಪ್ರಶಸ್ತಿಯನ್ನು ಪಡೆದರು.

ನಂತರದಲ್ಲಿ ಈ ಮಹಾನ್ ನಾಯಕ 2000 ನೇ ಇಸವಿಯಲ್ಲಿ ಕಿರುತೆರೆಯಲ್ಲಿ ಕಾಣಿಸಿಕೊಳ್ಳುವ ಮೂಲಕ ಕೋಟ್ಯಾಂತರ ಜನರ ಗೌರವ, ಮನ್ನಣೆಗೆ ಪಾತ್ರರಾದರು. ಅದೇ ಎಲ್ಲರ ಮನಸ್ಸಲ್ಲೂ ಮನೆಮಾತಾದ ಪ್ರಸಿದ್ದ ರಿಯಾಲಿಟಿ ಷೋ "ಕೌನ್ ಬನೇಗಾ ಕರೋಡ್ಪತಿ" ಕಾರ್ಯಕ್ರಮ. 'ಬಿಗ್ ಬಿ' ಒಬ್ಬ ನಟನಷ್ಟೇ ಅಲ್ಲ, ಅವರು ತಮ್ಮ ಹಲವು ಚಲನಚಿತ್ರಗಳಿಗೆ ಸ್ವತಃ ಹಾಡುಗಳನ್ನು ಹಾಡಿದ್ದಾರೆ. ಅನೇಕ ಸರ್ಕಾರಿ ಯೋಜನೆಗಳಿಗೆ ಜಾಹಿರಾತು ನೀಡುವ ಮೂಲಕ ಅದರ ಯಶಸ್ಸಿಗೆ ಕಾರಣೀಭೂತರಾಗಿದ್ದಾರೆ. ಪದ್ಮಶ್ರೀ, ಪದ್ಮ ಭೂಷಣ ಹಾಗೂ ಪದ್ಮ ವಿಭೂಷಣ ಪ್ರಶಸ್ತಿಗಳು ಅವರ ಕಲೆಗೆ ಸಂದ ಗೌರವಗಳಾಗಿವೆ.

 

By continuing to use the site, you agree to the use of cookies. You can find out more by clicking this link

Close