ಪ್ರತಿನಿತ್ಯ ಕೇವಲ 2 ಲವಂಗ ಸೇವಿಸಿ, ಹಲವು ಪ್ರಯೋಜನ ಪಡೆಯಿರಿ!

ಪ್ರತಿದಿನ ಕೇವಲ 2 ಲವಂಗ ಸೇವಿಸುವುದರಿಂದ ದೇಹದ ಆರೋಗ್ಯ ವೃದ್ಧಿಯಾಗಿ, ಹಲವು ಸಮಸ್ಯೆಗಳು ನಿವಾರಣೆಯಾಗುತ್ತದೆ. 

Updated: May 4, 2018 , 07:27 PM IST
ಪ್ರತಿನಿತ್ಯ ಕೇವಲ 2 ಲವಂಗ ಸೇವಿಸಿ, ಹಲವು ಪ್ರಯೋಜನ ಪಡೆಯಿರಿ!

ಆಯುರ್ವೇದ ಔಷಧಿಗಳಲ್ಲಿ ಲವಂಗಕ್ಕೆ ವಿಶೇಷ ಸ್ಥಾನವಿದೆ. ಇದನ್ನು ಬಳಸಿ ಆಹಾರ ತಯಾರಿಸುವುದರಿಂದ ರುಚಿಯಾಗಿಯೂ ಇರುತ್ತದೆ. ಅಲ್ಲದೆ, ಮನೆ ಮದ್ದಾಗಿಯೂ ಇದನ್ನು ಬಳಸಬಹುದು. ಪ್ರತಿದಿನ ಕೇವಲ 2 ಲವಂಗ ಸೇವಿಸುವುದರಿಂದ ದೇಹದ ಆರೋಗ್ಯ ವೃದ್ಧಿಯಾಗಿ, ಹಲವು ಸಮಸ್ಯೆಗಳು ನಿವಾರಣೆಯಾಗುತ್ತದೆ. 

ಲವಂಗ ಸೇವನೆಯಿಂದಾಗುವ ಪ್ರಯೋಜನಗಳು

ಗ್ಯಾಸ್ಟ್ರಿಕ್ ಸಮಸ್ಯೆ ನಿವಾರಣೆ : ಪ್ರತಿನಿತ್ಯ 2 ಲವಂಗವನ್ನು ನೀರಿನಲ್ಲಿ ಹಾಕಿ ಕುದಿಸಿ. ನಂತರ ಅದು ತಣ್ಣಗಾದ ಮೇಲೆ ಕುಡಿಯಿರಿ. 

ಹಲ್ಲುನೋವು : 2 ಲವಂಗಕ್ಕೆ ಒಂದು ಟೀ ಚಮಚ ನಿಂಬೆ ರಸವನ್ನು ಸೇರಿಸಿ ಹಲ್ಲುಗಳಲ್ಲಿ ಇಟ್ಟುಕೊಂಡರೆ ನೋವು ನಿವಾರಣೆಯಾಗುತ್ತದೆ.

ಬಾಯಿಯ ದುರ್ಗಂಧ ನಿವಾರಣೆ : ಪ್ರತಿನಿತ್ಯ 2 ಲವಂಗ ಮತ್ತು ಒಂದು ಏಲಕ್ಕಿಯನ್ನು ಜಗಿಯುವುದರಿಂದ ಬಾಯಿಯ ದುರ್ಗಂಧ ನಿವಾರಣೆಯಾಗುತ್ತದೆ. 

ಬಾಯಿ ಹುಣ್ಣು ನಿವಾರಣೆ : ಬಾಯಲ್ಲಿ ಹುಣ್ಣಾಗಿದ್ದರೆ, 2 ಲವಂಗವನ್ನು ಸ್ವಲ್ಪ ಜಜ್ಜಿ ಬಾಯಿಯಲ್ಲಿ ಇಟ್ಟುಕೊಳ್ಳಿ. ಹಾಗೇ ಬಾಯಿಯಲ್ಲಿ ಬರುವ ಎಂಜಲನ್ನು ಉಗುಳಿ. ಹೀಗೆ ಮಾಡುವುದರಿಂದ ಹುಣ್ಣು ಮಾಯವಾಗಿ ನೋವು ಕಡಿಮೆಯಾಗುತ್ತದೆ. 

ಶೀತ ಮತ್ತು ಜ್ವರ : ಹದವಾದ ಬಿಸಿ ನೀರಿಗೆ ಲವಂಗದ ಎಣ್ಣೆ ಹಾಕಿಕೊಂಡು ಕುಡಿದರೆ ಶೀತ ನಿವಾರಣೆಯಾಗುತ್ತದೆ. ಇಲ್ಲವಾದರೆ, 2 ಲವಂಗ ಮತ್ತು 4-5 ತುಳಸಿ ಎಲೆಗಳನ್ನು ನೀರಿನಲ್ಲಿ ಹಾಕಿ ಕುದಿಸಿ. ನಂತರ ಅದು ತಣ್ಣಗಾದ ಮೇಲೆ ಅದಕ್ಕೆ ಸ್ವಲ್ಪ ಜೇನುತುಪ್ಪ ಸೇರಿಸಿ ಕುಡಿಯಿರಿ. 

ಕತ್ತು ನೋವು : 2 ಲವಂಗವನ್ನು ಜಜ್ಜಿ, ಸಾಸಿವೆ ಎಣ್ಣೆಯಲ್ಲಿ ಹಾಕಿ ಮಿಶ್ರಮಾಡಿ. ನಂತರ ಅದನ್ನು ಕುತ್ತಿಗೆ ಭಾಗದಲ್ಲಿ ಹಚ್ಚಿ ಮಸಾಜ್ ಮಾಡಿ.

ಒತ್ತಡ ನಿವಾರಣೆ: ಲವಂಗ ಒತ್ತಡವನ್ನು ದೂರಮಾಡಿ ದೇಹವನ್ನು ಸಮಸ್ಥಿತಿಗೆ ತರುವ ಗುಣ ಹೊಂದಿದೆ. ಲವಂಗ, ಶುಂಠಿ, ಏಲಕ್ಕಿ ಮತ್ತು ಪುದಿನಾ ಬಳಸಿ ಚಹಾ ಮಾಡಿ ಸೇವಿಸಿ. 

ವಾಕರಿಕೆ: ಕೆಲವರಿಗೆ ಪ್ರಯಾಣ ಮಾಡುವಾಗ ವಾಂತಿ ಮಾಡುವ ಸಮಸ್ಯೆ. ಇಲ್ಲದಿದ್ದರೆ ತಿಂದ ಆಹಾರ ಜೀರ್ಣವಾಗದೇ ಪಿತ್ತದಿಂದಾಗಿ ವಾಂತಿ ಬರುವಂತಾಗುತ್ತದೆ. ಇದಕ್ಕೆ ಲವಂಗವನ್ನು ಸೇವಿಸುವುದು ಉತ್ತಮ ಪರಿಹಾರ.

By continuing to use the site, you agree to the use of cookies. You can find out more by clicking this link

Close