പെണ്‍കുട്ടിയെ അതിക്രൂരമായി മര്‍ദിച്ച് പോലീസ് ഉദ്യോഗസ്ഥന്‍റെ മകന്‍; അന്വേഷണത്തിന് ഉത്തരവിട്ട്‌ രാജ്നാഥ് സിംഗ്

യു​വ​തി​യെ ഓ​ഫീ​സി​നു​ള്ളി​ല്‍ അതിക്രൂ​ര​മാ​യി മ​ര്‍​ദ്ദിച്ച യുവാവിനെതിരെ ഡല്‍ഹി പൊലീസ് കേസെടുത്തു. ഈ യുവാവ് ഡല്‍ഹിയിലെ ഒരു പൊലീസ് ഉദ്യോഗസ്ഥന്‍റെ മകനാണ് എന്നതാണ് വാസ്തവം. നാര്‍ക്കോട്ടിക്ക് സെല്‍ എ.എസ്.ഐ ആശോക് സിംഗ് തോമറിന്‍റെ മകന്‍ രോഹിത് തോമറിനെതിരെയാണ് കേസ്.

Updated: Sep 14, 2018, 06:04 PM IST
പെണ്‍കുട്ടിയെ അതിക്രൂരമായി മര്‍ദിച്ച് പോലീസ് ഉദ്യോഗസ്ഥന്‍റെ മകന്‍; അന്വേഷണത്തിന് ഉത്തരവിട്ട്‌ രാജ്നാഥ് സിംഗ്

ന്യൂഡല്‍ഹി: യു​വ​തി​യെ ഓ​ഫീ​സി​നു​ള്ളി​ല്‍ അതിക്രൂ​ര​മാ​യി മ​ര്‍​ദ്ദിച്ച യുവാവിനെതിരെ ഡല്‍ഹി പൊലീസ് കേസെടുത്തു. ഈ യുവാവ് ഡല്‍ഹിയിലെ ഒരു പൊലീസ് ഉദ്യോഗസ്ഥന്‍റെ മകനാണ് എന്നതാണ് വാസ്തവം. നാര്‍ക്കോട്ടിക്ക് സെല്‍ എ.എസ്.ഐ ആശോക് സിംഗ് തോമറിന്‍റെ മകന്‍ രോഹിത് തോമറിനെതിരെയാണ് കേസ്.

പെണ്‍കുട്ടിയെ ബി.പി.ഓ ഓ​ഫീ​സി​നു​ള്ളി​ല്‍ അതിക്രൂരമായി മര്‍ദ്ദിക്കുന്ന ദൃശ്യങ്ങള്‍ കഴിഞ്ഞ ദിവസം സോഷ്യല്‍ മീഡിയയില്‍ പ്രചരിച്ചിരുന്നു. ഇ​യാ​ളു​ടെ സു​ഹൃ​ത്ത് തന്നെയാണ് വീഡിയോ ചിത്രീകരിച്ച്‌ സോഷ്യല്‍ മീഡിയയിലൂടെ പ്രചരിപ്പിച്ചത്.  ​ഡല്‍ഹി ഉ​ത്തം​ന​ഗ​റി​ല്‍ ഈ ​മാ​സം 2നാ​യി​രു​ന്നു സം​ഭ​വം. 

പെ​ണ്‍​കു​ട്ടി​യു​ടെ മു​ടി​യി​ല്‍​പി​ടി​ച്ച്‌ വ​ലി​ച്ചി​ഴ​ച്ച്‌ ത​റ​യി​ല്‍ ത​ള്ളി​യി​ട്ട ശേഷം രോ​ഹി​ത് മ​ര്‍​ദി​ക്കു​ക​യാ​യി​രു​ന്നു. തുടര്‍ന്ന് ഇയാള്‍ പെണ്‍കുട്ടിയുടെ വയറ്റില്‍ ചവിട്ടുകയും തൊഴിക്കുകയും ചെയ്‌തു. ദൃ​ശ്യം ചി​ത്രീ​ക​രി​ച്ച​യാ​ള്‍ മ​ര്‍​ദ്ദ​നം നി​ര്‍​ത്താ​ന്‍ ആ​വ​ശ്യ​പ്പെ​ട്ടി​ട്ടും ഇ​യാ​ള്‍ തന്‍റെ ക്രൂരകൃത്യം തുടരുകയായിരുന്നു. 

അതേസമയം, പൊലീസിന് നല്‍കിയ മൊഴിയില്‍ മര്‍ദ്ദനത്തിന് മുന്‍പ് രോഹിത് തന്നെ ബലാത്സംഗം ചെയ്തതായി പെണ്‍കുട്ടി പറഞ്ഞു. പ്രതിയായ രോഹിതിനെ ഡല്‍ഹി പൊലീസ് അറസ്റ്റ്‌ ചെയ്യുകയും രണ്ടു ദിവസത്തേയ്ക്ക് കസ്റ്റഡിയില്‍ എടുക്കുകയും ചെയ്തു. 

അതേസമയം, സംഭവം ശ്രദ്ധയില്‍പ്പെട്ട കേന്ദ്ര ആ​ഭ്യ​ന്ത​ര​മ​ന്ത്രി രാ​ജ്നാ​ഥ് സിം​ഗ് അന്വേഷണത്തിന് ഉത്തരവിട്ടിട്ടുണ്ട്. സംഭവത്തെക്കുറിച്ച് ഡല്‍ഹി പൊലീസ് കമ്മീഷണറുമായി സംസാരിച്ച അദ്ദേഹം ഉചിതമായ നടപടി സ്വീകരിക്കാന്‍ ആവശ്യപ്പെട്ടു.

 

 

By continuing to use the site, you agree to the use of cookies. You can find out more by clicking this link

Close