പാറ്റ്ന: മൊബൈല് ഫോണ് മോഷ്ടിച്ചെന്ന് ആരോപിച്ച് ബീഹാറില് യുവാവിനെ മര്ദ്ദിച്ച് തലകീഴായി കെട്ടിത്തൂക്കി. മര്ദ്ദിക്കുന്നതിന്റെ ദൃശ്യങ്ങള് സോഷ്യല് മീഡിയയില് വൈറലായതിനെത്തുടര്ന്ന് പൊലീസ് മൂന്ന് പേരെ അറസ്റ്റ് ചെയ്തു.
ബീഹാറിലെ ഹിംഗോളി ഗ്രാമത്തിലാണ് സംഭവം. മൊബൈല് ഫോണ് മോഷ്ടിച്ചെന്ന് ആരോപിച്ച് ആള്ക്കൂട്ടം യുവാവിനെ കൂട്ടംകൂടി മര്ദ്ദിക്കുകയായിരുന്നു. സ്ത്രീകളടക്കമുള്ള ഒരു സംഘം ആളുകള് യുവാവിനെ മര്ദ്ദിക്കുന്നത് നോക്കി നില്ക്കുന്നതായി വീഡിയോയില് കാണാം. മര്ദ്ദിച്ചതിന് ശേഷമാണ് തലകീഴായി കെട്ടിത്തൂക്കിയത്.
#WATCH Man beaten and hung upside down for stealing a mobile phone in Darbhanga's Hingoli village. Police says, '3 people who thrashed the man have been arrested.' #Bihar pic.twitter.com/KOzE1XBo9D
— ANI (@ANI) April 18, 2018