മുംബൈ: മുംബൈയിലെ സബര്ബന് ഖാട്കോപറില് നാലുനില കെട്ടിടം തകര്ന്നു വീണ് ഏഴുപേര് മരിച്ചു. മുപ്പതോളം പേര് കെട്ടിടത്തില് കുടുങ്ങിയതായാണ് സംശയിക്കുന്നു. പതിനൊന്നു പേരെ അവശിഷ്ടങ്ങള്ക്കിടയില് നിന്ന് രക്ഷപ്പെടുത്തി. ഇവരെ സമീപത്തെ ആശുപത്രിയില് പ്രവേശിപ്പിച്ചിരിക്കുകയാണ്. അഗ്നിശമന സേനയുടെ 14 വാഹനങ്ങൾ എത്തിയാണ് രക്ഷാപ്രവർത്തനം നടത്തുന്നത്.
രാവിലെ 10.40 ഓടെയാണ് അപകടമുണ്ടായത്. നാല്പതിലധികം വർഷം പഴക്കമുള്ള കെട്ടിടമാണ് ഇടിഞ്ഞുവീണത്. ഇരുപതോളം കുടുംബങ്ങൾ കെട്ടിടത്തിൽ താമസിച്ചിരുന്നു. കാലപഴക്കത്തിൽ ബലക്ഷയം സംഭവിച്ചതാണ് കെട്ടിടം തകരാൻ കാരണമെന്നാണ് വിലയിരുത്തൽ.