ഹിമാചൽ പ്രദേശ് മുഖ്യമന്ത്രി വീരഭദ്രസിംഗ് സോളൻ ജില്ലയിലെ അര്കി മണ്ഡലത്തിൽ മത്സരിക്കും. കഴിഞ്ഞ രണ്ട് തവണയും ബിജെപി ജയിച്ച മണ്ഡലമാണ് അര്കി. ഈ മണ്ഡലം സ്വന്തം താത്പര്യം അനുസരിച്ചാണ് അദ്ദേഹം തെരഞ്ഞെടുത്തത്. വീരഭദ്രസിംഗിന്റെ മകൻ വിക്രമാദിത്യ ഷിംല റൂറലിൽ നിന്ന് ജനവിധി തേടും. അടുത്തമാസം ഒമ്പതിനാണ് ഹിമാചൽ പ്രദേശിൽ തെരഞ്ഞെടുപ്പ്.
പാര്ട്ടി അധ്യക്ഷ സോണിയാ ഗാന്ധി അദ്ദേഹത്തെ തെരഞ്ഞെടുപ്പ് പ്രചാരണ കമ്മിറ്റിയുടെ ചെയര്മാനായി നിയോഗിച്ചിരുന്നു.