ആലുവ: ആലുവ സെന്റ് സേവ്യേഴ്സ് കോളജിനു സമീപം ഭിന്നലിംഗക്കാരിയെ കൊല്ലപ്പെട്ട നിലയില് കണ്ടെത്തിയ സംഭവത്തില് യുവാവ് അറസ്റ്റില്. ചാലക്കുടി അന്നമട സ്വദേശി അഭിലാഷാണ് പോലീസിന്റെ പിടിയിലായത്. തമിഴ്നാട് ചിന്നസേലം സ്വദേശി ഗൗരിയെയാണ് കഴിഞ്ഞയാഴ്ച ആലുവ റെയില്വേ സ്റ്റേഷന് സമീപം കൊല്ലപ്പെട്ട നിലയില് കണ്ടെത്തിയത്.
ആസ്ബറ്റോസ് ഷീറ്റിട്ടു മൂടിയനിലയിലായിരുന്നു മൃതദേഹം കണ്ടെത്തിയത്. മദ്യക്കുപ്പി, കറുത്ത ചരട്, മേക്കപ്പ് സാധനങ്ങള്, രക്തക്കറ എന്നിവ മൃതദേഹത്തിന് സമീപം ഉണ്ടായിരുന്നു. കഴുത്തില് കയര് കുരുക്കിയ പാടുകള് ഉണ്ടെന്ന് പ്രഥമിക നിരീക്ഷണത്തില് കണ്ടെത്തിയിരുന്നു.