സൗദി സ്വദേശിവത്കരണം: തൊഴില്‍ നഷ്ടമായത് രണ്ട് ലക്ഷത്തിലധികം വിദേശികള്‍ക്ക്

സൗദിയില്‍ സ്വദേശിവത്കരണം നടപ്പില്‍വരുത്തിയതിനെ തുടര്‍ന്ന് മൂന്നു മാസത്തിനിടെ തൊഴില്‍ നഷ്ടമായത്   2,34,000 വിദേശികള്‍ക്കെന്ന് റിപ്പോര്‍ട്ട്.  

Updated: Jul 10, 2018, 06:40 PM IST
സൗദി സ്വദേശിവത്കരണം: തൊഴില്‍ നഷ്ടമായത് രണ്ട് ലക്ഷത്തിലധികം വിദേശികള്‍ക്ക്

ജിദ്ദ: സൗദിയില്‍ സ്വദേശിവത്കരണം നടപ്പില്‍വരുത്തിയതിനെ തുടര്‍ന്ന് മൂന്നു മാസത്തിനിടെ തൊഴില്‍ നഷ്ടമായത്   2,34,000 വിദേശികള്‍ക്കെന്ന് റിപ്പോര്‍ട്ട്.  

ഈ വര്‍ഷം ആദ്യ മൂന്നു മാസത്തിനിടെയാണ് ഇത്രയും വിദേശികള്‍ക്ക് ജോലി നഷ്ടമായത്. ദിവസേന കുറഞ്ഞത്‌  266 വിദേശ വനിതകള്‍ക്ക് ജോലി നഷ്ടമാകുന്നതായാണ് കണക്കുകള്‍. 2017 അവസാനത്തിലെ കണക്കനുസരിച്ച്‌ 1.042 കോടി വിദേശ ജോലിക്കാരാണ് സൗദിയിലുണ്ടായിരുന്നത്. എന്നാല്‍ ഈ വര്‍ഷം ആദ്യ൦തന്നെ അത് 1.018 ആയി കുറഞ്ഞു.

കഴിഞ്ഞ പതിനഞ്ചു മാസത്തെ മൊത്തം കണക്കെടുത്താല്‍ ഏഴു ലക്ഷത്തിലേറെ വിദേശികള്‍ക്ക് സൗദിയില്‍ തൊഴില്‍ നഷ്ടപ്പെട്ടതായാണ് റിപ്പോര്‍ട്ട്. 

സ്വദേശിവത്കരണത്തിലൂടെ ദിവസേന 160 സ്വദേശികള്‍ക്ക് പുതുതായി ജോലി ലഭിക്കുന്നതായാണ് പുറത്തുവന്നിരിക്കുന്ന റിപ്പോര്‍ട്ടുകള്‍ സൂചിപ്പിക്കുന്നത്. 

 

By continuing to use the site, you agree to the use of cookies. You can find out more by clicking this link

Close