ശ്രീഹരിക്കോട്ട: ബ്രിട്ടന്റെ രണ്ട് ഉപഗ്രഹങ്ങളുമായി പിഎസ്എല്വി സി-42 ഐഎസ്ആര്ഒ വിക്ഷേപിച്ചു. ശ്രീഹരി കോട്ടയില് ഇന്നലെ രാത്രി 10.08ന് നടന്ന വിക്ഷേപണം ഐഎസ്ആര്ഒയ്ക്ക് 200 കോടി രൂപയാണ് നേടികൊടുക്കുക.
സറേ ടെക്നോളജി ലിമിറ്റഡ് നിര്മ്മിച്ച ഈ ഉപഗ്രഹങ്ങള് ഭൗമനിരീക്ഷണത്തിനുള്ളവയാണ്. ഇന്ത്യന് ബഹിരാകാശ ഏജന്സിയുടെ പൂര്ണ വാണിജ്യ വിക്ഷേപണമാണിത്. 889 കിലോഗ്രാം ഭാരമുള്ളതാണ് നോവ എസ്എആര്, എസ് 1-4 എന്നീ ഉപഗ്രഹങ്ങള്.
Congratulations to our space scientists! ISRO successfully launched PSLV C42, putting two UK satellites in orbit, demonstrating India's prowess in the competitive space business. @isro
— Narendra Modi (@narendramodi) September 16, 2018
വനവ്യാപ്തി അറിയുക, കപ്പല് മാപ്പിങ്, ദുരന്തനിവാരണ പ്രവര്ത്തനങ്ങള് തുടങ്ങിയവയ്ക്ക് രാത്രി, പകല് വ്യത്യാസമില്ലാതെ ഈ ഉപഗ്രഹങ്ങള് സഹായിക്കും.ഐഎസ്ആര്ഒയുടെ വാണിജ്യ ശാഖയായ ആന്ററിക്സ് കോര്പ്പറേഷന് ലിമിറ്റഡ് എന്ന കമ്പനി വഴി നടത്തിയ കരാറിലൂടെയായിരുന്നു വിക്ഷേപണം.
പൂര്ണമായും വാണിജ്യാടിസ്ഥാനത്തിലുള്ള പിഎസ്എല്വി റോക്കറ്റിന്റെ ആറാമത്തെ വിക്ഷേപണമാണിതെന്ന് തിരുവനന്തപരും വിക്രം സാരാഭായ് സ്പേസ് സെന്റര് ഡയറക്ടര് ഡോ. എസ്. സോംനാഥ് പറഞ്ഞു.