भारतीय लष्कराची ताकद वाढणार, तोफखान्यात येणार नव्या तोफा

 ४ तोफा याआधीच भारतात दाखल झाल्या आहेत.

Updated: Nov 9, 2018, 07:16 PM IST
भारतीय लष्कराची ताकद वाढणार, तोफखान्यात येणार नव्या तोफा

नवी दिल्ली : भारतीय लष्करात बोफोर्स नंतर आज प्रथमच नव्या तोफा दाखल होणार आहेत. तोफखाना दलाच्या देवळाली कँम्पमधील प्रशिक्षण केंद्रात आज सकाळी १०च्या सुमारास संरक्षण मंत्री निर्मला सीतारमण यांच्या हस्ते के-९ वज्र तसंच हलक्या वजनाची एम-७७७ या तोफा समाविष्ट होणार आहे. नाशिकच्या देवळाली आर्टिलरी सेंटरमध्ये होणाऱ्या या विशेष कार्यक्रमात या तोफा भारतीय तोफखान्यात सहभागी होतील.

४ तोफा आधीच भारतात 

 के ९ वज्र प्रकारच्या १०० आणि एम ७७७ प्रकाराच्या १४५ तोफा भारतीय तोफाखान्यात सामील होणार आहेत. के ९ वज्रची पहिली १० तोफांची बॅच या महिन्यात पुरवली जाईल. त्यानंतर ४० तोफांची बॅच नोव्हेंबर २०१९ मध्ये, तर अखेरच्या ५० तोफा नोव्हेंबर २०२० मध्ये पुरवल्या जाणार आहेत. 

एम ७७७ या प्रकारातल्या ४ तोफा याआधीच भारतात दाखल झाल्या आहेत.

ऑगस्ट २०१९ नंतर पुढील २४ महिने प्रतीमाह ५ तोफा भारताला पुरवल्या जाणार आहेत.

या शिवाय युद्धभूमीवरील कोणत्याही तोफेला खेचून नेण्याची क्षमता असणारे वाहनही आज समाविष्ट करण्यात येणार आहे. 

By continuing to use the site, you agree to the use of cookies. You can find out more by clicking this link

Close