'इथे' मिळेल पेट्रोल, डिझेलवर 50% कॅशबॅक!

पेटीएम आणि हिंदुस्थान पेट्रोलियम कॉर्पोरेशन लिमिटेड यांनी एकत्रितपणे एक कॅशबॅक ऑफर आणली आहे.

Darshana Pawar Darshana Pawar | Updated: Dec 12, 2017, 04:14 PM IST
'इथे' मिळेल पेट्रोल, डिझेलवर 50% कॅशबॅक! title=

नवी दिल्ली : पेटीएम आणि हिंदुस्थान पेट्रोलियम कॉर्पोरेशन लिमिटेड यांनी एकत्रितपणे एक कॅशबॅक ऑफर आणली आहे. आता पेट्रोल, डिझेलच्या खरेदीवर ग्राहकांना 50% कॅशबॅक मिळणार आहे. या सवलतीचा फायदा हिंदुस्तान पेट्रोलियमच्या कोणत्याही पेट्रोल, डिझेल पंपावर घेता येणार आहे.

या आहेत अटी..

मात्र यासाठी ग्राहकांना पेटीएमद्वारे पैसे भरणे अनिवार्य असणार आहे. त्याचबरोबर 300 रुपयांचं पेट्रोल भरणं गरजेचं असणार आहे. 

त्यानंतर प्रत्येक आठवड्याला लकी ड्रा काढण्यात येईल. त्यात तीन नावे जाहीर केली जातील. त्या लकी विजेत्यांना पेट्रोल, डिझेलवर 50% कॅशबॅक मिळेल. त्यांच्या खात्यात 150 रूपये जमा केले जातील. ही सवलत फक्त 28 डिसेंबरपर्यंत असणार आहे.

ही आहे मर्यादा

तसंच प्रत्येक ग्राहकाला 5% अतिरिक्त कॅशबॅक मिळेल. मात्र ही सुविधा फक्त बिहार राज्यातपुरतीच मर्यादित आहे.