राज ठाकरेंच्या सभेनंतर मनसे कार्यकर्त्यांनी गुजराती पाट्या तोडल्या

पालघर : मनसे अध्यक्ष राज ठाकरे यांनी रविवारी रात्री शिवतीर्थावर सभा झाली. यावेळी त्यांनी मोदी सरकारवर जोरदार टीका केली.

मोदींना केवळ गुजरातचीच काळजी असल्याचे ते म्हणाले.  भडकलेल्या मनसे कार्यकर्त्यांनी सभा संपल्यानंतर गुजराती पाट्यांची तोडफोड केली.

मोदीमुक्त भारताची गरज

भाजप आणि नरेंद्र मोदी यांनी दिलेल्या अश्वासनांवर विश्वास ठेऊन लोकांनी यांना मतं दिली. यांनी भारताला काँग्रेसमुक्त करण्याचे अवाहन केले.

लोकांनीही यांच्यावर विश्वास ठेवला. पण, पंतप्रधान नरेंद्र मोदी आणि भाजपची धोरणे पाहता आता मोदीमुक्त भारताची गरज निर्माण झाली आहे. हे दिसतं तितकं साध सोप प्रकरण नाही.

गुजराती पाट्यांची तोडफोड 

अहमदाबाद महामार्गावरील हॉटेल्सवर गुजराती फलक लावल्या होत्या. राज ठाकरे यांच्या सभेनंतर पालघरमधील आक्रमक मनसे कार्यकर्त्यांनी  या हॉटेल्सवर निशाणा साधला. हॉटेलच्या पाट्यांची तोडफोड केली. यामुळे पुन्हा एकदा मनसे मराठी मुद्द्यावर आक्रमक झाल्याचे दिसून आले.

वसई गुजरातला ?

 मुंबई-अहमदाबाद हायवेवरील घोडबंदर ते तलासरी दरम्यानच्या बहुतांश धाबे, दुकाने, हॉटेलांवर आता गुजराती पाट्या झळकू लागल्या आहेत.

वसई गुजरातला जोडण्यासाठी गुजराती व्यावसायिक प्रयत्न करत असल्याचेही निदर्शनास आलं होते.

दरम्यान यांच्या दुकानांच्या पाट्यांवरून मराठीला तडीपार करुन गुजराती फलक झळकविण्यात येत होते. या सर्वांचा राग मनसे कार्यकर्त्यांनी काल काढला.