पुन्हा राणेंच्या भाजप प्रवेशाच्या चर्चेला ऊत

कणकवली : सिंधुदुर्गात आज होत असलेल्या मुंबई-गोवा महामार्गाच्या चौपदरीकरणाच्या कार्यक्रमाच्या निमित्तानं नारायण राणेंच्या भाजप प्रवेशाच्या चर्चांना पुन्हा एकदा ऊत आला आहे. कणकवलीत कार्यक्रमाच्या  निमित्तानं लावण्यात आलेल्या होर्डिंगवर काँग्रेसचा उल्लेखही नाही. 

शिवाय नारायण राणेंच्या नावाखाली माजी मुख्यमंत्री आणि विधानपरिषद सदस्य एवढाच उल्लेख करण्यात आलाय. त्यामुळे गडकरी, फडणवीस यांच्या उपस्थितीत राणेंच्या भाजप प्रवेशाची चर्चा पुन्हा जोर धरतेय.विशेष म्हणजे नारायण राणेंच्या नव्या राजकीय कारकिर्दीची मूर्हुतमेढ रोवली जाण्याची शक्यता असताना शिवसेनापक्षप्रमुख उद्धव ठाकरेही कणकवलीत येत आहेत.