नोटाबंदीनंतर ५३ दिवसांत २ हजारांच्या बनावट नोटा

राष्ट्रीय गुन्हे नोंदणी विभागाकडील अधिकृत माहितीनुसार, पंतप्रधान नरेंद्र मोदी यांनी ८ नोव्हेंबर २०१६ रोजी नोटाबंदीची घोषणा केली.

Jaywant Patil जयवंत पाटील | Updated: Dec 7, 2017, 10:19 PM IST
नोटाबंदीनंतर ५३ दिवसांत २ हजारांच्या बनावट नोटा

मुंबई : राष्ट्रीय गुन्हे नोंदणी विभागाकडील अधिकृत माहितीनुसार, पंतप्रधान नरेंद्र मोदी यांनी ८ नोव्हेंबर २०१६ रोजी नोटाबंदीची घोषणा केली, यानंतर अवघ्या ५३ दिवसात, २ हजार रूपयांच्या बनावट नोटा बाजारात दाखल झाल्या. 

नवी नोट ८ नोव्हेंबर नंतरच चलनात दाखल

एनसीआरबीने  ३० नोव्हेंबर रोजी एक अहवाल प्रसिद्ध केला आहे, त्यानुसार , २ हजार रुपयांच्या २ हजार २७२ बनावट नोटा गेल्या वर्षी  जप्त करण्यात आल्या होत्या. तसेच २ हजार रुपयांची आणि ५०० रुपयांची नवी नोट ८ नोव्हेंबर नंतरच चलनात दाखल झाली होती.

५३ दिवसांत २ हजारांच्या बनावट नोटा चलनात

यानंतर ८ नोव्हेंबरनंतर ३१ डिसेंबर या काळात, म्हणजेच ५३ दिवसांतच पोलिस आणि इतर सरकारी संस्थांना या बनावट आढळून आल्या. याच काळात संपूर्ण देशातील लोक नव्या २ हजार रुपयांच्या नोटेच्या प्रतिक्षेत होते.

पाहा कोणत्या राज्यात किती बनावट नोटा आढळल्या

गुजरातमध्ये १३०० ( २ हजार रुपयांच्या सर्वाधिक बनावट नोटा गुजरातमध्ये)
पंजाब ५४८ 
कर्नाटक २५४ 
तेलंगणा ११४ 
महाराष्ट्र २७ 
मध्य प्रदेश ८
राजस्थान ६
आंध्र प्रदेश, अरुणाचल प्रदेश, हरयाणा ३
तर जम्मू-काश्मीर आणि केरळमध्ये प्रत्येकी २ बनावट नोटा 
मणिपूर आणि ओडिशामध्ये २ हजार रुपयांची प्रत्येकी १ नोट आढळली

विशेष म्हणजे काळ्या पैशाला आळा घालण्यासाठी, टेरर फंडिंग रोखण्यासाठी तसेच बनावट चलनाचे रॅकेट उध्वस्त करण्यासाठी हा नोटाबंदीचा निर्णय घेतल्याचे, पंतप्रधान मोदी यांनी म्हटलं होतं. मात्र, तब्बल २ लाख ८१ हजार ८३९ इतक्या विविध किंमतीच्या बनावट चलनी नोटा देशातील विविध भागातून आढळून आल्या होत्या. 

By continuing to use the site, you agree to the use of cookies. You can find out more by clicking this link

Close