रणजी ट्रॉफीचा सामना रंजक वळणावर

www.24taas.com, झी मीडिया, मुंबई
रणजी ट्रॉफीमध्ये महाराष्ट्रविरुद्धच्या क्वार्टर फायनलच्या मॅचममध्ये मुंबईची टीम दुस-या इनिंगमध्ये 129 रन्सवरच ऑल आऊट झाली. मुंबईच्या एकाही बॅट्समनला महाराष्ट्राच्या बॉलर्सचा सामना करता आला नाही.
मुंबईला झटपट आऊट कऱण्यात यश आलेल्या महाराष्ट्रासमोर 252 रन्सचं टार्गेट आहे. महाराष्ट्राकडून संकलेचानं सर्वाधिक 4 विकेट्स घेतल्या. तर मुंडे आणि फलाहनं प्रत्येकी तीन-तीन विकेट्स घेतल्या.
मुंबईकडून सुर्यकुमार यादवनं सेकंड इनिंगमध्येही मुंबईची इनिंग सावरण्याचा प्रयत्न केला मात्र यात त्याला यश आलं नाही. तिस-या दिवसअखेर महाराष्ट्रानं 1 विकेट गमावून 28 रन्सपर्यंत मजल मारली आहे.
आता सेमी फायनलमध्ये प्रवेश करण्यासाठी मुंबईला महाराष्ट्राला लवकरात लवकर गुंडाळण्याचं आव्हान असेल.