लोकसभा निवडणूक २०१४: २ वाजेपर्यंत त्रिपुरात ६० टक्के मतदान

www.24taas.com, झी मीडिया, गुवाहाटी
२०१४ लोकसभा निवडणुकीसाठी पहिल्या टप्प्याच्या मतदानाला शांततेत सुरुवात झालीय. आसाममध्ये तेजपूर, कोलियाबोर, जोरहाट, दिब्रुगढ आणि लखीमपूर या ५ जांगासाठी तर पश्चिम त्रिपुरात १ जागेसाठी मतदान होतंय. ६४ उमेदवारांचं भवितव्य आज मतदान पेटीत बंद होणार आहे.
मतदानासाठी मतदारांनी सकाळपासूनच मतदान केंद्राबाहेर लांबच लांब रांगा लागलेल्या पाहिल्या मिळतायत. आसाममध्ये १ वाजेपर्यंत ३५ टक्के मतदान झालंय. तर त्रिपुरात दोन वाजेपर्यंत ६० टक्के मतदान झालंय.
आतापर्यंत कुठंही अनुचित प्रकार घडलेला नाही. मतदान केंद्रांवर कडेकोट बंदोबस्त ठेवण्यात आलाय.