उन्हाळ्यातही सतेज आणि चमकदार ठेवा तुमच्या त्वचेला!

नवी दिल्ली : मेडिकल सर्व्हिसेस तसंच 'आर अॅन्ड बी'च्या उपाध्यक्ष तसंच काया स्किन क्लिनिकच्या प्रमुख डॉक्टर संगीता वेलासकर यांनी सध्याच्या उकडत्या वातावरणात आपल्या त्वचेची काळजी घेण्यासाठी काही छोट्या छोट्या पण महत्त्वाच्या टिप्स दिल्यात.

• तुमच्या त्वचेची हानिकारक सूर्यकिरणांपासून बचाव करेल अशा सनस्क्रीनची निवड करा. भारतीय त्वचेसाठी ३० एसपीएफ असणारं सनस्क्रीन उपयुक्त ठरतं. घरातून बाहेर निघताना २० ते ३० मिनिटे अगोदर सनस्क्रीन लावावं. 

• डोळ्यांवर उन्हापासून संरक्षण करेल असा चष्माही लावावा. 

• त्वचेला रोगमुक्त ठेवण्यासाठी दररोज दोन वेळा क्लिंजिंग, टोनिंग आणि मॉइश्चरायजिंग करण्याची सवय लावा.

• निश्तेज त्वचेपासून सुटका करून घेण्यासाठी स्क्रब करणं गरजेचं आहे. स्क्रबिंग केल्यानं मृत त्वचा तसंच जुन्या कोशिका निघतात. 

• हातांचा कोपरा आणि गुडघ्यावरून मृत त्वचा हटवण्यासाठी एक दिवसाआड त्यावर साखरेसोबत लिंबूचा रस मिसळून त्यावर हलक्या हातांनी रगडा.

• उन्हाळ्यात केसही कोरडे होतात. अशावेळी कोणत्याही प्रकारचे केमिकल आणि हेअरस्टाईल बनवणाऱ्या उपकरणांपासून थोडं लांबच राहा.

• प्रत्येक दिवशी शॅम्पू केल्यानं केसांची चमक निघून जाते आणि केस कोरडे होतात. केसांसाठी नरम शॅम्पू आणि कंडीशरनरचाही वापर करा.

• उन्हाळ्यात जेवढं जास्त पाणी पिता येईल तेवढं पिण्याचा प्रयत्न करा.... हलकं तसंच पोषक जेवणं घ्या. 

• आपली त्वचा हायड्रेट ठेवण्यासाठी ताजी फळं आणि हिरव्या भाज्या खा. तुमच्या खाण्यात काकडी, कारलं, पालक, टरबूज, संत्र, चेरी, प्लम आणि लीची यांसारख्या भाज्या आणि फळांचा समावेश करा. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.