अखेर राहुल गांधीही उत्तराखंड दौऱ्यावर!

www.24taas.com, झी मीडिया, नवी दिल्ली
उत्तराखंड प्रकरणावरुन झालेल्या टीकेमुळे राहुल गांधी आजपासून उत्तराखंड राज्याच्या दौऱ्यावर जाणार आहेत. ते दौऱ्यादरम्यान काँग्रेसच्या देहराडूनमध्ये असलेल्या नियंत्रण कक्षालाही भेट देतील. यादरम्यान त्यांची भेट तेथील लोकांशीही होऊ शकते.

राहुल गांधी यांनी आज पार्टी अध्यक्षा सोनिया गांधीसोबत दिल्लीमधील काँग्रेस मुख्यालयात उत्तराखंडातील लोकांसाठी आवश्यक वस्तूंनी भरलेल्या गाडीला हिरवा झेंडा दाखवला. बऱ्याच दिवसापासून राहुल गांधीना उत्तराखंडाच्या दौऱ्यावरुन बोल लावण्यात येत होते. त्याचबरोबर काँग्रेस प्रवक्त्यांना याविषयी पत्रकारांच्या प्रश्नांना तोंड देताना नाकी नऊ येत होते. काँग्रेसने या मुद्द्याला खोडून काढत असं म्हटलं की, याक्षणी दौऱ्यापेक्षा तिकडे मदतीच्या रुपाने काय करता येईल याचा विचार करणं महत्त्वाचं आहे.