किर्तीमान 'बाहुबली २'चा कमाईचा आणखी एक रेकॉर्ड

मुंबई : भारतीय सिनेमाच्या इतिहासात सर्वात यशस्वी म्हणून 'बाहुबली 2' चं नाव आता जोडलं गेलंय. या सिनेमाच्या नावावर प्रत्येक आठवड्याला नवंनव्या रेकॉर्डची भर पडतंच चाललीय. 

'बाहुबली २ - द कन्क्लुजन'नं जगभरात तब्बल १५०० करोड रुपयांचं कलेक्शन केलंय. उल्लेखनीय म्हणजे, आत्तापर्यंत एखाद्या भारतीय सिनेमानं १००० करोड रुपयांची कमाई केल्याच्या रेकॉर्डनंतर आता १५०० करोड रुपयांचा रेकॉर्डही 'बाहुबली २'च्या नावावर जमा झालाय.  

#Baahubali2 in 3 Wks becomes the 1st Indian Movie to do ₹ 1,500 Cr

India

N : ₹ 953 Cr

G : ₹ 1,227 Cr

Overseas: ₹ 275 Cr

T: ₹ 1,502 Crs

— Ramesh Bala (@rameshlaus) May 19, 2017

प्रदर्शित झाल्यानंतर अवघ्या २० दिवसांत ही कमाई 'बाहुबली २'नं करून दाखवलीय... हा देखील आणखी एक रेकॉर्डच म्हणावा लागेल. जगभरात 'बाहुबली २'नं १,५०२ करोड रुपयांची कमाई केलीय. ही कमाई सर्व भाषांमध्ये मिळून आहे. बॉलिवूड ट्रेड अॅनलिस्ट रमेश बाला यांनी ट्विटरवरून हे आकडे शेअर केलेत.

'बाहुबली २'च्या हिंदी व्हर्जननंही रेकॉर्डतोड कमाई केलीय. बॉक्सऑफिस इंडियाच्या रिपोर्टनुसार, सलग तिसऱ्या आठवड्यात सिनेमानं ६७.२५ करोड रुपयांचं नेट कलेक्शन केलंय. प्रदर्शिनानंतर याची आत्तापर्यंतची एकूण कमाई ६३३ करोड रुपये आहे. 

₹ 1500 cr GROSS Worldwide... This is SENSATIONAL! #Baahubali2 pic.twitter.com/1EZPLRSLGi

— taran adarsh (@taran_adarsh) May 19, 2017

२८ एप्रिल रोजी प्रदर्शित झालेल्या या सिनेमात प्रभास, राणा दग्गुबाती, अनुष्का शेट्टी, तमन्ना, राम्या, कृष्णनन आणि सत्यराज यांच्या प्रमुख भूमिका आहेत.