राज ठाकरे दौऱ्यावर... पाठिमागून मनसेला खिंडार?

मुंबई : मनसे अध्यक्ष राज ठाकरे मराठवाड्यात दुष्काळ दौऱ्यावर असताना मुंबईत भाजपनं मनसेला खिंडार पाडायला सुरुवात केलीय. 

मुंबई महापालिकेतील मनसेचे ८ नगरसेवक संपर्कात असल्याचा भाजपने दावा केलाय. यापैंकी ४ नगरसेवकांना भाजपनं गटनेत्यांच्या विकासनिधीतून सव्वा कोटींचा निधी सुद्धा उपलब्ध करुन दिलाय.

यामध्ये,

संजय भालेराव - २५ लाख

भालचंद्र आंबोरे - २५ लाख

ईश्वर तायडे - २५ लाख

प्रकाश दरेकर - ५० लाख

तसंच, सेनेनंही मनसेच्या दिलीप मामा लांडे यांनाही ५० लाखांचा निधी महापौर फंडातून उपलब्ध करुन दिलाय.

त्यामुळे, २०१७ च्या महापालिका निवडणूकीचं बिगुल वाजण्याआधीच मुंबई महापालिकेत पक्षांतरांच्या हालचालींना वेग आलाय.