मुख्यमंत्री-खडसे भेटीचं गुपीत काय?

www.24taas.com, झी मीडिया, मुंबई
मुख्यमंत्री पृथ्वीराज चव्हाण यांनी आज विधानसभेतील विरोधी पक्षनेते एकनाथ खडसे यांची भेट घेतली. ही भेट कौटुंबिक असल्याचं खडसे यांनी सांगितलंय.
काही दिवसांपूर्वी आजारी होतो त्यामुळे प्रकृती विचारपुस करण्यासाठी मुख्यमंत्री आले होते असं खडसेंनी सांगितलं. ही भेट जवळपास पावणे दोन तास चालली. सुरुवातीला काही काळ दोन्ही नेत्यांचे कुटुंबीय बैठकीमध्ये होते. त्यानंतर इतरांना बैठकीत बोलवण्यात आलं. त्यामुळं कौटुंबिक भेटीच्या नावाखाली दोन्ही नेत्यांमध्ये काय चर्चा झाली याबाबत तर्क-वितर्क लढवले जात आहेत.