स्वाती चिखलीकरच्या लॉकर्समध्ये ९ किलो सोनं

www.24taas.com,झी मीडिया, नाशिक
नाशिममधील सार्वजनिक बांधकाम विभागातील अभियंता यांच्याकडे कोट्यवधीची बेहिशोबी संपत्ता सापडली. अभियंता सतीश चिखलीकर आणि वाघ यांना अटक करण्यात आलेय. स्वाती चिखलीकर हिच्या नगर जिल्ह्यातल्या बँक लॉकर्समध्ये अंदाजे सव्वातीन कोटींची मालमत्ता सापडलीये.
स्वाती चिखलीकरचे शेवगावातल्या मर्चंट बँकेत ४ लॉकर्स आहेत. यातले २ लॉकर्स उघडण्यात आलेत. त्यात ९ किलोपेक्षा जास्त सोनं, 5 किलो चांदी आणि ५७ लाख रोख सापडलेत. या सोन्याची किंमत अंदाजे २ कोटी ६७ लाख रुपये आहे.
दरम्यान, स्वाती चिखलीकर तपासात सहकार्य करत असल्यामुळे सध्यातरी तिला अटक करण्याची गरज नसल्याचं एसीबीचं म्हणणं आहे. तिच्यावर गुन्हा दाखल झाल्यानंतर येत्या ८-१० दिवसांत तिला अटक होऊ शकते.
लाच घेताना रंगेहाथ पकडल्यानंतर सतीश चिखलीकरकडे करोडोंची बेनामी संपत्ती सापडलीय. त्यामुळे खलीकरभोवती ‘अँन्टी करप्शन ब्युरो’ची पकड आता घट्ट होत चाललीय. आपली प्रचंड संपत्ती लपवण्यासाठी चिखलीकरने वापरलेले सर्व मार्ग एसीबी उध्वस्त करतेय.