जनतेकडूनही आहेत मनसेला अपेक्षा - राज ठाकरे

www.24taas.com, झी मीडिया, नाशिक
मनसे अध्यक्ष राज ठाकरे रविवारपासून नाशिकच्या दौऱ्यावर आहेत. आज दुपारी ते पत्रकारांना सामोरे गेले. यावेळी त्यांनी नाशिकच्या विकासासाठी मनसे कटीबद्ध असल्याचा पुनरुच्चार केलाय.
नाशिक पालिकेच्या संथ कारभारावर विरोधकांकडून सातत्याने होणाऱ्या टीकेच्या पार्श्वभूमीवर त्यांनी आज महापालिका आयुक्तांची भेट घेऊन त्यांच्याशी चर्चाही केली. तसंच नगरसेवकांची भेट घेऊन त्यांची झाडाझडतीही घेतली. नागरिकांची कामं वेळच्यावेळी होण्यासाठी कार्यकर्त्यांना खडे बोल सुनावल्याचं राज ठाकरे यांनी यावेळी म्हटलंय. पण, ‘ज्याप्रमाणे जनतेच्या मनसेकडून अपेक्षा आहेत त्याचप्रमाणे मनसेच्याही जनतेकडून काही अपेक्षा आहेत’ असं राज ठाकरे यांनी यावेळी म्हटलंय.