१ नोव्हेंबर १९७३ रोजी ऐश्वर्याचा जन्म मेंगलोरमधील एका तुलु कुटुंबात झाला होता. ऐश्वर्याचे वडील कृष्णराज पेशाने मरिन बायोलॉजिस्ट होते, तर आई ब्रिंदा या गृहिणी. आदित्य रॉय हा ऐश्वर्याचा मोठा भाऊ जो मर्चंट नेव्हीमध्ये इंजिनिअर पदावर कार्यरत आहे. २००३ मध्ये आदित्यने ऐश्वर्याचा ‘दिल का रिश्ता’ चित्रपट को-प्रोड्यूस्टही केला होता. रॉय परिवाराने मुंबईत स्थलांतर केल्यानंतर ऐश्वर्याने माटुंग्याच्या डी.जी. रूपारेल महाविद्यालयामध्ये अडमिशन घेतलं. त्यानंतर आर्किटेक्टचं शिक्षण घेण्यासाठी तिने मुंबईच्या रहेजा कॉलेजमध्ये प्रवेश घेतला. पण पुढे ऐश्वर्याने मॉडेलिंग क्षेत्रात आपलं पाऊल टाकलं.