‘लेडीज व्हर्सेस रिकी बहल’ या चित्रपटाद्वारे पदार्पणाचा पुरस्कार पटकाविणारी अभिनेत्री परिणीती चोप्रा हिचा ‘इश्कजादे’ हा चित्रपट लवकरच झळकणार आहे. या चित्रपटात ती ‘झोया’ ही व्यक्तिरेखा साकारत असून यात ती बंदुकीचा वापर करणार आहे. म्हणून बंदूक वापरायची कशी, गोळ्या कशा झाडायच्या याचा दीर्घ सराव तिला चित्रीकरणादरम्यान करावा लागला. या दरम्यान अचूक नेम लागण्यासाठी आणि नवखी असली तरी तरबेज शूटर वाटावी म्हणून परिणीतीने तब्बल २०० फैरी झाडून सराव केला म्हणे.