रॉकस्टारच्या भूमिकेतून लोक सावरतात न सावरतात तोच रणबीरने बर्फी सिनेमातून वेगळं व्यक्तिमत्व समोर आणून प्रेक्षकांना आश्चर्याचा धक्का दिला. एका मुक-बधिर मुलाची भूमिका रणबीरने इतक्या जिवंतपणे साकारली, की त्याला या सिनेमात एकही डायलॉग नसतानाही लोकांना तो आवडून गेला. चार्ली चॅप्लिनच्या पठडीतला अभिनय करून आता रणबीरने पुन्हा एकदा आपल्यातील अभिनयाचा अवाका लोकांना दाखवून दिला.