फेटे

डोक्यावर फेटे मिरविलेत, चक्क पालिकेला ७७ हजारांचा भुर्दंड

एखाद्याला टोपी घालणे, हा वाकप्रचार आपण नक्कीच ऐकला असेल. पण आता `एखाद्याला फेटा बांधणं` हा वाक्प्रचार देखील त्याच अर्थानं वापरता येईल. त्याचं श्रेय पुणे महापालिकेचे नगरसेवक आणि पदाधिकाऱ्यांना द्यावं लागेल. सभागृहाच्या उद्घाटनासाठी भाड्यानं आणलेले फेटे या मान्यवरांनी गहाळ केलेत. आणि त्याचा भुर्दंड म्हणून ७७ हजार रुपयांच्या खर्चाला महापालिकेच्या स्थायी समितीनं मंजुरी दिलीय.