शिवसेनाप्रमुख बाळासाहेब ठाकरे अनंतात विलीन

हिंदुह्रद्यसम्राट बाळासाहेब ठाकरे यांचं शनिवारी दुपारी निधन झालंय. मृत्यूसमयी ते ८६ वर्षांचे होते. आज (रविवारी) त्यांना अखेरचा निरोप देण्यात येतोय. शिवतीर्थ म्हणून ओळखल्या जाणाऱ्या शिवाजी पार्कवरच बाळासाहेब ठाकरे यांचं अंत्यदर्शन आणि अंत्यविधी होणार आहे.

कसा प्रवेश कराल शिवाजी पार्कवर...

शिवसैनिकांनी जबाबदारीनं वागावं, असं आवाहन शिवसेना नेते रामदास कदम यांनी केलंय. याशिवाय दादर परिसरात वाहतुकीची कोंडी होऊ नये, यासाठी खबरदारी घेण्यात आलीय.

मातोश्री ते शिवाजी पार्कपर्यंत `महायात्रा`

एक नेता नेता, एक पक्ष, ४७ वर्षं... असा विक्रम असलेल्या शिवसेनेच्या शिवतीर्थावर, अर्थात शिवाजी पार्कवर आज सकाळी १० वाजल्यापासून बाळासाहेबांचं अंत्यदर्शन घेता येणार आहे. तिथंच त्यांच्या पार्थिवाला मंत्राग्नी दिला जाईल. सकाळी आठ वाजता मातोश्रीहून शिवाजी पार्ककडे ‘महायात्रा’ निघणार आहे.