ठाण्यात ठाकरे पॅटर्न, नवा महापौर सेनेचाच!

Last Updated: Tuesday, March 06, 2012, 11:25

अखेर शिवसेनेने ठाणं राखलं. शिवसेनेचे हरिश्चंद्र पाटील ठाण्याचे नवे महापौर म्हणून निवडून आले आहेत. पाटील यांनी राष्ट्रवादीचे उमेदवार नजीब मुल्ला यांचा पराभव केला. हरिश्चंद्र पाटील यांना ७३ मते मिळाली. महाराष्ट्र नवनिर्माण सेनेने शिवसेनेला जाहीर पाठिंबा दिल्याने मनसेच्या सात नगरसेवकांनी युतीच्या बाजुने मतदान केलं तर सेना-भाजपकडे ६६ इतकं संख्याबळ आधीपासून होतं.

सुहासिनी लोखंडे अखेर ठाणे मनपामध्ये हजर

Last Updated: Tuesday, March 06, 2012, 10:31

ठाण्यातील अपहृत नगरसेविका सुहासिसिनी लोखंडे अखेर ठाणे महानगरपालिकेच्या सभागृहात दाखल झाल्या आहेत. त्या महाबळेश्वरला असल्याची माहिती काहीवेळापूर्वीच 'झी २४ तास'ला देण्यात आली होती.

उद्धव यांनी घातलं राजसमोर लोटांगण- आव्हाड

Last Updated: Tuesday, March 06, 2012, 10:18

ठाण्यात महाराष्ट्र नवनिर्माण सेनेने जाहीरपणे शिवसेनेला पाठिंबा दिल्यामुळे सेना-भाजप युतीचा महापौर होणार आहे हे निश्चित झालं आहे. गेले दोन-तीन दिवस भाजप नगरसेविका सुहासिनी लोखंडे गायब झाल्या होत्या त्यावरुन सेना-भाजपने ठाणे बंद आणि महामोर्चा तसंच न्यायालयीन लढाई आणि हिंसक मार्गांचाही अवलंब केला त्या सुहासिनी लोखंडे अखेर सभागृहात अवतरल्या आहेत.

अपहृत नगरसेविका महाबळेश्वरला

Last Updated: Tuesday, March 06, 2012, 08:46

ठाण्यातील दोन अपहृत नगरसेविका अखेर महाबळेश्वर येथे सापडल्या असून त्या दुपारी होणाऱ्या महापौरपदाच्या निवडणुकीत सहभागी होणार असल्याची माहिती अपहृत नगरसेविका अनिता किणे यांचे पती राजन किणे यांनी झी २४ ला माहिती दिली.

ठाण्यात ‘राज’ की बात, सेनेचा महापौर?

Last Updated: Tuesday, March 06, 2012, 07:24

ठाणे महापालिकेच्या महापौरपदाच्या निवडणुकीत महाराष्ट्र नवनिर्माण सेना तटस्थ राहणार असल्याची शक्यता वर्तविण्यात येत आहे. या संदर्भात चर्चेच्या फेऱ्या काल रात्रीपासून सुरू असल्याची माहिती सूत्रांकडून मिळाली आहे.

अपहृत सुहासिनी लोखंडेंचा मुलगा परीक्षेला

Last Updated: Tuesday, March 06, 2012, 07:05

ठाण्यातील अपहृत नगरसेविका सुहासिनी लोखंडे यांचा मुलगा संकेत लोखंडे याने पोलिसांच्या सुरक्षेत आज दहावीचा पेपर दिला आहे. आज ठाणे महापौर पदाची निवडणूक होणार असून त्यात संख्याबळ सिद्ध करण्यासाठी सुहासिनी लोखंडे यांचा पाठिंबा युतीला मिळणे गरजेचे आहे.

निवडणूकांत अपहरणासारख्या घटना होतात- आबा

Last Updated: Monday, March 05, 2012, 18:03

निवडणूक काळात अपहरणासारख्या घटना होत असतात. पण त्याकरिता संपूर्ण शहराला वेठीस धरु नये अशी प्रतिक्रिया गृहमंत्री आर. आर. पाटील यांनी व्यक्त केली आहे.

राज ठाकरे करणार उद्या पत्ते खुले!

Last Updated: Monday, March 05, 2012, 14:48

ठाणे महापालिकेच्या महापौरपदासाठी जोरदार चुरस असून महाराष्ट्र नवनिर्माण सेना उद्या आपले पत्ते ओपन करणार आहे. मनसे अध्यक्ष राज ठाकरे उद्य दुपारी पत्रकार परिषद घेऊन आपली भूमिका स्पष्ट करणार आहे. त्यामुळे महापौरपदाच्या निवडणूकीत मनसे कोणती भूमिका घेणार याकडे सर्वांचे लक्ष लागून राहिले आहे.

सुहासिनी लोखंडे यांना भाजपचा व्हीप!

Last Updated: Monday, March 05, 2012, 13:39

भाजपच्या ठाण्याच्या नगरसेविका सुहासिनी लोखंडे यांना भाजपनं व्हीप बजावला. महायुतीच्या उमेदवारालाच मतदान करण्याचा पक्षादेश बजावण्यात आला.

पोलिसांचा युतीच्या महामोर्चाला नकार

Last Updated: Monday, March 05, 2012, 08:39

ठाणे भाजप शहर अध्यक्ष संदीप लेले यांनी उच्च न्यायालयात रिट अर्ज दाखल केला आहे. भाजप नगरसेविका सुहासिनी लोखंडे अपहरणप्रकरणी हेबियस कॉर्पस दाखल केला. ठाण्यात शिवसेना भाजप युतीच्या महामोर्चाला पोलीसांनी परवानगी नाकारली आहे.

ठाण्यात लोखंडेंच्या अपहरणाच्या निषेधार्थ महामोर्चा

Last Updated: Monday, March 05, 2012, 05:18

नगरसेविकेच्या अपहरणाच्या विरोधात महायुतीनं पुकारलेल्या ठाणे बंदला काल हिंसक वळण लागलं होतं. आज अपहरणाच्या विरोधात महायुतीनं पुन्हा महामोर्चाचं आयोजन केलंय. कालच्या ठाणे बंदमुळं आधीच ठाणेकर वैतागले होते.

ठाण्यात महापौरपदासाठी घमासान

Last Updated: Monday, March 05, 2012, 05:02

ठाणे महापालिकेच्या महापौरपदासाठी जोरदार चुरस आहे. उद्या महापौरपदासाठी निवडणूक होणार आहे.

सुहासिनी लोखंडे आघाडीत जाणार?

Last Updated: Sunday, March 04, 2012, 12:30

ठाण्याच्या भाजपच्या बेपत्ता नगरसेविका सुहासिनी लोखंडे या आघाडीच्या गोटात सामिल झाल्याची शक्यता वर्तवली जाते आहे. युतीचे ८० टक्के नगरसेवक आपल्या संपर्कात असल्याच्या जितेंद्र आव्हाड यांच्या वक्तव्यामुळं संशयाला बळ मिळालं आहे.

ठाण्यात घृणास्पद राजकारणाने नागरिक संतप्त

Last Updated: Sunday, March 04, 2012, 10:26

ठाण्यात महापौरपदाच्या निवडणुकीत राष्ट्रवादी-काँग्रेस आघाडी आणि शिवसेना-भाजप युतीत सत्तासंघर्ष भडकल्याने त्याची झळ सर्वसामान्य माणसाला बसली आहे. भाजप नगरसेविका सुहासिनी लोखंडे बेपत्ता झाल्यामुळे संतप्त झालेल्या शिवसेनेने कालपासून ठाणे बंदची हाक दिली.

युतीचे ८० टक्के नगरसेवक संपर्कात- आव्हाड

Last Updated: Sunday, March 04, 2012, 06:47

राष्ट्रवादीचे नेते आमदार जितेंद्र आव्हाड यांनी शिवसेनेचे नेते एकनाथ शिंदे यांनी केलेले आरोप फेटाळले आहेत. भाजप नगरसेविका सुहासिनी लोखंडे आणि त्यांच्या कुटुंबियांना आव्हांडांच्या इशाऱ्यानुसार त्यांच्या गुंडांनी अपहरण केल्याचा आरोप शिंदे यांनी केला होता.

सुहासिनी लोखंडेंना घातपात झाला असावा- एकनाथ शिंदे

Last Updated: Sunday, March 04, 2012, 03:56

बेपत्ता भाजप नगरसेविका सुहासिनी लोखंडे यांना घातपात झाल्याचा संशय ठाणे शिवसेना जिल्हा प्रमुख एकनाथ शिंदे यांनी व्यक्त केला आहे. सुहासिनी लोखंडेंना काँग्रेस-राष्ट्रवादी आघाडीच्या नेत्यांनी घातपात केल्याचं संशय एकनाथ शिंदे यांनी व्यक्त केला आहे. या प्रकरणी झी २४ तासशी बोलताना पोलिसांनी तपास जलदगतीने करावा अशी मागणी शिंदे यांनी केली

ठाण्यात मध्यरात्रीपासून तोडफोड, तणावपूर्ण स्थिती

Last Updated: Sunday, March 04, 2012, 02:11

महायुतीनं पुकारलेल्या ठाणे बंदला मध्यरात्रीपासूनच सुरुवात झालीय. शिवसैनिकांनी ठाण्यात 14 बसेस, 4 एसटी आणि 5 रिक्षांची तोडफोड केलीय. ठाणे स्टेशन परिसरात ही घटना घडलीय. शिवसैनिकांनी रात्रीपासूनच शहर बंद करायला सुरुवात केलीय.