नरेंद्र दाभोलकरांच्या हत्येचं राजकारण करू नका - मुक्ता

अंधश्रद्धा निर्मूलन समितीचे कार्याध्यक्ष डॉ नरेंद्र दाभोलकरांची हत्या होऊन एक महिना उलटला तरी तपास लागलेला नाही. याबाबत राजकीय वर्तुळात तीव्र प्रतिक्रिया उमटत आहेत. असे असताना नरेंद्र दाभोलकरांच्या हत्येचं राजकारण करू नये असं आवाहन त्यांची मुलगी मुक्ता यांनी केली आहे. तर दाभोलकरांच्या हत्येचा तपास केंद्रीय तपास यंत्रणांकडे देण्याची मागणी आपण अजून केलेली नाही, असं हमीद दाभोलकर यांनी स्पष्ट केलंय. तशी मागणी अजून दाभोलकर कुटुंबियांकडून करण्यात आलेली नाही.

दाभोलकरांच्या हत्येमागे सरकारचाच हात? - राज ठाकरे

मनसे अध्यक्ष राज ठाकरे यांनी पुन्हा राज्यातील काँग्रेस आघाडी सरकारवर तोफ डागली. डॉ. नरेंद्र दाभोलकर हत्याप्रश्नी तपास करण्यास सरकारला अपयश आले आहेत. या हत्याप्रकरणी सरकारबाबत संशय निर्माण होत आहे. त्यांचाच हात नाही ना, अशी टीका राज ठाकरे यांनी केली.

डॉ. दाभोलकर हत्या सीसीटीव्ही फूटेज पाठवणार लंडनला

डॉ. नरेंद्र दाभोलकर यांची हत्या ज्या ठिकाणी झाली त्या ठिकाणंचं सीसीटीव्ही फूटेज आता अधिक तपासणीसाठी लंडनला पाठवले जाणार आहे. गुन्हे शाखेचे अप्पर पोलीस आयुक्त शहाजी साळुंखे यांनी ही माहिती दिलीय.

मुंबई क्राईम ब्रॅँचकडे तपास, दाभोलकर कुटुंबीयांची तीव्र प्रतिक्रिया

डॉ. नरेंद्र दाभोलकर यांच्या हत्येचा मुंबई क्राईम ब्रॅँचकडून स्वतंत्रपणे तपास करण्यात येणार आहे. त्यासाठी क्राईम ब्रँचची एक टीमही पुण्यात दाखल झालीय. मुंबई क्राईम ब्रँचला दाभोलकरांच्या मारेक-याबद्दल काही महत्त्वाचे धागेदोरे हाती लागलेत. त्यानुसार हा तपास करण्यात येणार आहे. तर कुटुंबीयांनी तीव्र प्रतिक्रिया व्यक्त केली आहे.

उष:काल होता होता काळ रात्र...

पुणं हे नेहमीच पुरोगामी चळवळीचं केंद्र राहिलंय. अनिष्ट रुढी आणि परंपरांविरोधात युद्ध पुकारणारे अनेक मोठे सुमाजसुधारक पुण्यानं दिले. या पुण्यभूमीतच समाजसुधारकांना छळालाही सामोरं जावं लागलं. पुरोगामी दाभोलकरांच्या बाबतीत मात्र प्रतिगामी शक्तींनी अमानुषतेचं टोक गाठलं. दाभोलकरांच्या हत्येमुळं उष:काल होता होता काळ रात्र झाल्याचाच अनुभव महाराष्ट्राला आलाय.

डॉ. नरेंद्र दाभोलकर नावाचं वादळ

अंधश्रद्धा निर्मूलन आणि डॉ. नरेंद्र दाभोलकर हे महाराष्ट्रात समानार्थी शब्द बनलेत. अंधश्रद्धा निर्मूलनाच्या कार्यासाठी त्यांनी हयातभर `साधना` केली. पुरोगामित्वाचा वारसा सांगणा-या महाराष्ट्रात त्यांची हत्या व्हावी, यासारखं दुसरं दुर्दैव ते कोणतं..?

दाभोलकरांची हत्या सत्तारुढ पक्षाला न शोभणारी गोष्ट - राणे

डॉ. नरेंद्र दाभोलकरांची हत्या ही सत्तारुढ पक्षाला न शोभणारी गोष्ट आहे. ही संपूर्ण सरकाराची जबाबदारी आहे, असा घरचा आहेर उद्योगमंत्री नारायण राणे यांनी दिलाय.

दाभोलकरांवर ‘संगम माहुली’त अंत्यसंस्कार

सातारा जिल्ह्यातील संगम माहुली या मूळगावी डॉ. नरेंद्र दाभोलकर यांच्या पार्थिवावर अंत्यसंस्कार करण्यात आले. त्यांची मुलगी मुक्ता हिने त्यांच्या पार्थिवाला मुखाग्नी दिला.

गांधी हत्या करणाऱ्या शक्तीने केले कृत्य- मुख्यमंत्री

डॉ. नरेंद्र दाभोलकरांची हत्या ही राजकीय हत्या आहे. ज्या शक्तींनी महात्मा गांधींची हत्या केली, त्याच शक्तींनी आज डॉ. दाभोलकरांवर गोळ्या झाडल्या आहेत, अशा शब्दात मुख्यमंत्री पृथ्वीराज चव्हाण यांनी आपला निषेध नोंदवला. त्यामुळे त्यांचा रोख कोणाकडे आहे, हा प्रश्न होतं आहे.

...नाहीतर खूनाचे बोट सरकारकडे जाते – राज ठाकरे

अख्या देशाला विचार देणारा हा महाराष्ट्र. अशा महाराष्ट्रात आणि तेही पुण्यासारख्या शहरात डॉ. नरेंद्र दाभोलकर यांचा खून होतो. हे दुर्दैव आहे. दाभोलकर यांच्या हत्येमुळे महाराष्ट्राच्या पुरोगामी चळवळीची भरून न निघणारी हानी झाली आहे. या खूनाचा तपास झालाच पाहिजे. ..नाहीत खूनाचे बोट सरकारकडे जाते, अशी प्रतिक्रिया मनसे अध्यक्ष राज ठाकरे यांनी व्यक्त केली आहे.

डॉ. दाभोलकरांच्या पार्थिवावर साताऱ्यात अंत्यसंस्कार

साताऱ्यामध्ये महाराष्ट्र अनिसचे संस्थापक डॉ. नरेंद्र दाभोलकरांच्या पार्थिवावर अंत्यसंस्कार करण्यात येणार आहेत. अंत्यसंस्काराच्यावेळी मुख्यमंत्री, उपमुख्यमंत्र्यांसह अनेक नेते-कार्यकर्ते यावेळी हजर राहणार आहेत. मात्र त्याआधी साधनाच्या कार्यालयात दाभोलकरांचं पार्थिव अंतिम दर्शनासाठी ठेवण्यात येणार आहे.

दाभोलकरांची हत्या ही सरकारला कमीपणा आणणारी - पवार

नरेंद्र दाभोलकर यांच्या हत्या ही महाराष्ट्र सरकारला आणि गृहमंत्र्यालयाला कमीपणा आणणारी बाब आहे, अशी खंत राज्याचे उपमुख्यमंत्री अजित पवार यांनी व्यक्त केली.

डॉ. नरेंद्र दाभोलकर यांना द्या श्रद्धांजली

महाराष्ट्र अंधश्रद्धा निर्मूलन समितीचे संस्थापक आणि `साधना` साप्ताहिकाचे संपादक डॉ. नरेंद्र दाभोलकर यांची पुण्यात हत्या करण्यात आली. ते सकाळी फिरायला गेले असत्या त्यांच्यावर चार गोळ्या झाडण्यात आल्या त्यातच त्यांची प्राणज्योत मावळली. डॉ. नरेंद्र दाभोळकर यांना श्रद्धांजली.

डॉ. नरेंद्र दाभोलकर यांची पुण्यात हत्या

अंधश्रद्धा निर्मूलन समितीचे अध्यक्ष आणि 'साधना' साप्ताहिकाचे संपादक डॉ. नरेंद्र दाभोलकर यांची पुण्यात हत्या करण्यात आली. ते सकाळी फिरायला गेले असत्या त्यांच्यावर चार गोळ्या झाडण्यात आल्याचे सांगण्यात येत आहे.