लवकरच बंद होणार गुगलची ही सेवा

गुगलकडून लवकरच त्यांचं सोशल नेटवर्क गुगल+ बंद करणार आहे.

Updated: Oct 9, 2018, 10:25 PM IST
लवकरच बंद होणार गुगलची ही सेवा

मुंबई : गुगलकडून लवकरच त्यांचं सोशल नेटवर्क गुगल+ बंद करणार आहे. सोमवारी कंपनीनं याची घोषणा केली आहे. गुगल+ च्या ५० हजार ग्राहकांचा वैयक्तिक डेटा बाहेर आल्याची माहिती समोर आली होती पण आम्ही हा बग आधीच दुरुस्त केल्याचं गुगलनं सांगितलं आहे. लवकरच गुगल+चा सूर्यास्त होणार असल्याचं गुगलनं स्पष्ट केलं.

फेसबूकला टक्कर देण्यासाठी गुगल+ बनवण्यात आलं होतं. पण गुगलची ही सेवा अपयशी ठरली. यूजर्सनी गुगल+कडे पाठ फिरवली. यामुळेच गुगल+ बंद करण्याचा निर्णय घेतल्याचं बोललं जातंय. गुगल+ बनवल्यापासून आम्हाला बरीच आव्हानं होती. ग्राहकांच्या अपेक्षेप्रमाणेच गुगल+ तयार करण्यात आलं होतं पण त्याचा वापर कमी होत होता, म्हणून आम्हाला हा निर्णय घ्यावा लागल्याचं गुगलच्या प्रवक्त्यानं सांगितलं. 

By continuing to use the site, you agree to the use of cookies. You can find out more by clicking this link

Close