नुकतीच आई झालेल्या अभिनेत्री केलेली एक पोस्ट पाहून तिचे चाहते भावूक झाले आहेत.
विशेष म्हणजे या अभिनेत्रीने आधी गरोदर असल्याची घोषणा केली आणि नंतर तिने लग्न केल्याची चर्चा आहे.
ज्या अभिनेत्रीबद्दल आपण बोलतोय तिचं नाव आहे, इलियाना डिक्रूझ!
इलियाना डिक्रूझने तिचा मुलगा काओ फिनिक्स डोलानला कडेवर घेऊन एक फोटो पोस्ट केला आहे.
ऑगस्ट महिन्यामध्ये काओचा जन्म झाल्यापासून इलियाना डिक्रूझ अनेकदा त्याच्याबरोबचे फोटो इन्स्टाग्राम स्टोरीवरुन पोस्ट करत असते.
इलियाना डिक्रूझ या फोटोमध्ये तणावात दिसत आहे. तिच्या डोळेही पाणावलेले दिसत आहेत.
इलियाना डिक्रूझने मुलासोबतची ही पोस्ट करताना, "जेव्हा तुमच्या मुलाला त्रास होतो तेव्हा होणाऱ्या वेदनांसाठी तुम्ही कधीच तयार नसता," अशी कॅप्शन दिली आहे.
दिवसभर तो मला बिलगलेला असतो असंही इलियाना डिक्रूझने अन्य एका पोस्टमध्ये म्हटलं आहे. तिची ही पोस्ट पाहून सर्व काही ठीक असेल अशी अपेक्षा चाहते व्यक्त करत आहेत.
इलियाना डिक्रूझ 1 ऑगस्ट रोजी आई झाली. बाळ झाल्याची घोषणा तिने सोशल मीडियावरुन केली होती.
इलियाना डिक्रूझने या वर्षीच्या सुरुवातीला ती गरोदर असल्याचं जाहीर केलं होतं. मात्र घोषणेच्या वेळेस इलियाना अविवाहित असल्याने तिची ही घोषणा चर्चेत आलेली.
इलियाना डिक्रूझने गरोदर असल्याची घोषणा केल्यानंतर अनेक महिन्यांनी म्हणजेच मे महिन्यामध्ये मायकल डोलानबरोबर लग्न केल्याचं वृत्तही नंतर समोर आलं होतं.