नुकताच कंगना राणौतचा 'तेजस' हा चित्रपट प्रदर्शित झाला होता आणि कंगनाचे मागील अनेक चित्रपटांप्रमाणे या चित्रपटाची कामगिरीही बॉक्स ऑफिसवर काही खास झाली नाही.

सर्वेश मेवाडा यांच्या दिग्दर्शनाखाली बनलेल्या या चित्रपटाचे बजेट 70 कोटी रुपये होते आणि नफा सोडा, हा चित्रपट त्याच्या निम्म्याही खर्चापर्यंत पोहोचू शकला नाही.

कारण कंगना राणौतच्या 'तेजस'ला बॉक्स ऑफिसवर 50 कोटी रुपयांचा फटका बसला आहे.

हा चित्रपट प्रेक्षकांना चित्रपटगृहांकडे आकर्षित करण्यात अयशस्वी ठरल्याने 'तेजस'चे बहुतेक ठिकाणी शो रद्द करण्यात आले होते.

रिपोर्ट्सनुसार 27 ऑक्टोबर रोजी रिलीज झालेल्या या चित्रपटाचे लाइफटाईम कलेक्शन 4.25 कोटी रुपये आहे.

या चित्रपटाने परदेशात केवळ 70 लाखांची कमाई केली आणि 'तेजस'च्या निर्मात्यांनी ओटीटी, सॅटेलाइट राईट विकून 17 कोटी रुपये कमावले.

आता या चित्रपटाची एकूण कमाई जरी जोडली तरी निर्मात्यांना खर्चाचा निम्माही वसूल करता आलेला नाही. आणि यामुळेच 'तेजस'च्या निर्मात्यांना 50 कोटी रुपयांचे मोठे नुकसान सहन करावे लागले आहे.