नाश्ता करणं कधीच टाळू नका. प्रोटीन्स, फळं असणारा नाश्ता तुम्हाला दिवसभर फ्रेश ठेवतो.
रोज सकाळी उठल्यावर एक ग्लास पाणी पिऊन दिवसाची सुरुवात करा. रोज सकाळी पाणी प्यायल्याने तुमच्या शरीराला पुरेश्याप्रमाणात पाणी तर मिळतं शिवाय मेटाबायोलिझम म्हणजेच पचनालाही मदत होते.
दिवसातून किमान अर्धा तास तरी व्यायाम करा. योगअभ्यास, व्यायामशाळा किंवा अगदी मॉर्निंग वॉकही चालेल.
काय खाता याकडे लक्ष द्या. हिरव्या भाज्या, ताज्या अन्नाला प्राधान्य द्या. अधिक आरोग्यदायी भोजन घ्या.
ठराविक अंतराने पाणी पित राहा. सतत पाणी प्यायल्याने तुमच्या मेंदूला चालना मिळत राहते. पाण्यामुळे त्वचाही मुलायम राहते आणि पचनातील अडथळे दूर होतात.
कामादरम्यान छोटे छोटे मेंटल ब्रेक घ्या. काही मिनिटं अगदी काहीच न करता नुसते बसून राहा. यामुळे तुम्हाला एकाग्रता वाढवण्यास मदत होते.
किमान 7 ते 8 तास झोप मिळेल अशापद्धतीने वेळापत्रकाचे नियोजन करा. झोपण्याच्या तासभर आधी मोबाईल वापरणं टाळा.
मित्रांना वरचेवर भेटत राहा. मित्रांबरोबर, कुटुंबियांबरोबर बोला. संवाद साधणे हा मानसिक थकवा दूर करण्याचा उत्तम मार्ग आहे.
आज काय केलं, उद्या काय नियोजन आहे हे दिवस संपताना लिहून ठेवा. दुसऱ्या दिवसाची सुरुवात सकारात्मक करण्यासाठी याचा फायदा होतो.