காவிரி விவகாரம் தொடர்பாக 4 மாநில ஆலோசனைக் கூட்டம்!

காவிரி மேலாண்மை வாரியம் அமைப்பது தொடர்பாக 4 மாநில அதிகாரிகளின் ஆலோசனைக் கூட்டம் டெல்லியில் இன்று நடைபெறுகிறது.

Updated: Mar 9, 2018, 08:03 AM IST
காவிரி விவகாரம் தொடர்பாக 4 மாநில ஆலோசனைக் கூட்டம்!
ZeeNewsTamil

காவிரி மேலாண்மை வாரியத்தை 6 வாரங்களில் அமைக்க வேண்டும் என உச்சநீதிமன்றம் ஆணையிட்டது. ஆனால் இதுதொடர்பாக மத்திய நீர்வளத்துறை அமைச்சர் நிதின் கட்கரியிடம் காவிரி மேலாண்மை வாரியம் அமைப்பதை செய்தியாளர்கள் கேட்ட கேள்விக்கு பதில் அளித்து கூறியதாவது:

"காவிரிப் பிரச்சினையில் உச்சநீதிமன்றத்தின் தீர்ப்பை நாங்கள் மதிக்கிறோம். ஆனால், காவிரி மேலாண்மை வாரியம் அமைப்பது மிகவும் கடினமான பணி.அது மிகவும் எளிதானது அல்ல. காவிரி மேலாண்மை வாரியம் அமைப்பது மிகவும் பெரிய பணி. அது எப்போது அமைக்கப்படும் என்பதற்கு எந்த உத்தரவாதமும் அளிக்க நான் விரும்பவில்லை’’ என்று நிதின்கட்கரி கூறினார்.

இதனையடுத்து, தமிழகத்தில் அனைத்து கட்சி கூட்டம் நடைபெற்றது. அந்தக் கூட்டத்தில், தமிழகத்தில் உள்ள அனைத்து அரசியல் கட்சிகளின் தலைவர்களையும், விவசாய சங்கங்களின் பிரதிநிதிகளையும் தமிழக அரசின் சார்பில் டெல்லிக்கு அழைத்துச் சென்று, பிரதமர் அவர்களை நேரில் சந்தித்து, உடனடியாக காவேரி மேலாண்மை வாரியத்தை அமைக்கும்படி வலியுறுத்த வேண்டும் என்று ஒரு தீர்மானம் ஏகமனதாக நிறைவேற்றப்பட்டது. 

ஆனால், ஏற்கனவே மற்ற நிகழ்சிகளுக்கு பிரதமர் நேரம் ஒதுக்கி உள்ளதால், தற்போது சந்திக்க வாய்ப்பில்லை என பிரதமர் அலுவலகம் தெரிவித்தது.பின்னர் மீண்டும் நேற்று முன்தினம், தமிழக முதல்வர் மற்றும் எதிர்கட்சி தலைவர்கள் சந்தித்து பேசினார்கள். இந்த சந்திப்பின் போது தொடர்ந்து காவிரி மேலாண்மை வாரியம் அமைக்கும் விசியத்தில் மத்திய அரசுக்கு அழுத்தம் கொடுக்க வேண்டும் என முடிவு செய்யப்பட்டது.

மத்திய நீர்வளத்துறை அமைச்சகம் சார்பில் நடைபெறும் ஆலோசனைக் கூட்டத்தில் தமிழகம், கர்நாடகா, புதுச்சேரி, கேரள மாநில அரசுகளின் பிரதிநிதிகள் இந்த அலூசனைக்கூட்டத்தில் கலந்துகொள்கின்றனர். 

இதில் தமிழகம் சார்பில் பங்கேற்க தலைமைச்செயலாளர் கிரிஜா வைத்தியநாதன், பொதுப்பணித்துறை செயலாளர் எஸ்.கே.பிரபாகர் ஆகியோர் டெல்லி சென்றுள்ளனர். காவிரி நதிநீர்ப் பங்கீடு குறித்த வழக்கில் அண்மையில் தீர்ப்பளித்த உச்சநீதிமன்றம், 6 வாரங்களுக்குள் மேலாண்மை வாரியத்தை அமைக்க உத்தரவிட்டது. 

இதில் 4 வாரங்கள் முடிந்தநிலையில், அடுத்த நடவடிக்கை பற்றி முடிவெடுக்க ஆலோசனைக் கூட்டத்தை மத்திய அரசு நடத்துகிறது.

By continuing to use the site, you agree to the use of cookies. You can find out more by clicking this link

Close