யோ-யோ தேர்வில் வெற்றி பெற்ற அஸ்வின்; இந்திய அணியில் இடம் பெறுவாரா?

Updated: Oct 12, 2017, 01:14 PM IST
யோ-யோ தேர்வில் வெற்றி பெற்ற அஸ்வின்; இந்திய அணியில் இடம் பெறுவாரா?
Pic Courtesy : Twitter

இந்திய கிரிக்கெட் அணியில் இடம் பெற வேண்டும் என்றால் யோ-யோ என்ற உடல் தகுதி தேர்வில் பாஸ் பண்ணி ஆக வேண்டும் என்று உறுதியாக பிசிசிஐ கூறியுள்ளது. ஒரு வீரர் குறிப்பிட்ட தூரத்தை எவ்வளவு வேகமாகக் கடக்கிறார் என்பதை அளவெடுக்கும் பரிசோதனையே யோ-யோ தேர்வாகும்.

யோ-யோ தேர்வில் வெற்றி பெரும் வீரர்களே இந்திய அணிக்குத் தேர்வாக முடியும். தேர்வாகதவர்கள் மேலும் கால அவகாசம் அளிக்கப்படும். மீண்டும் யோ-யோ பரிசோதனையை மேற்கொள்ளலாம்.

யோ-யோ தேர்வில் வெற்றி பெறாததால் தான் சுரேஷ் ரெய்னா, யுவராஜ் சிங் ஆகியோர் அணியில் இடம்பெற முடியாமல் போனது. 

இந்நிலையில், தமிழக சுழல்பந்து வீச்சாளர் அஸ்வின் கடந்த செவ்வாய்க்கிழமை, பெங்களூரில் உள்ள தேசிய கிரிக்கெட் அகாடமியில் நடந்த யோ-யோ உடல் தகுதி தேர்வில் கலந்துகொண்டு வெற்றி பெற்றுள்ளார். இதனை அவர் தனது ட்விட்டார் பக்கத்தில் தெரிவித்துள்ளார். 

 

 

இந்தியா- நியூசிலாந்து இடையேயான போட்டிகளில் அவர் சேர்க்கப்படுவார் என எதிர்பார்க்கப்படுகிறது.

யோ-யோ தேர்வில் 38 வயதான ஆசிஷ் நெஹ்ரா வெற்றி பெற்று ஆஸ்திரேலியாவுக்கு எதிரான டி20 போட்டியில் சேர்க்கப்பட்டுள்ளார் என்பது குறிப்பிடத்தக்கது.

By continuing to use the site, you agree to the use of cookies. You can find out more by clicking this link

Close