T-20: INDvsBAN-யில் இந்தியா அபார வெற்றி!

வங்கதேசத்திற்கு எதிரான டி20 போட்டியில் 6 விக்கெட் வித்தியாசத்தில் இந்திய அணி வெற்றி பெற்றது.

Updated: Mar 9, 2018, 06:19 AM IST
T-20: INDvsBAN-யில் இந்தியா அபார வெற்றி!
ZeeNewsTamil

முத்தரப்பு தொடரின் இரண்டாவது டி-20 போட்டி நேற்று, இந்தியா-வங்கதேசம் இடையில் நடைபெற்றது. இதில் டாஸ் வென்ற இந்திய அணி, முதலில் பந்துவீச தீர்மானித்தது. இதனால் முதலில் பேட்டிங்கை தொடங்கிய வங்கதேச அணி, 20 ஓவர்கள் முடிவில் 8 விக்கெட்டுகளை இழந்து 139 ரன்கள் எடுத்தது. 

அந்த அணி லிடான் தாஸ் 34, சபீர் ரஹ்மான் 30 ரன்கள் எடுத்தனர். மற்ற வீரர்கள் சொற்ப ரன்களில் அவுட் ஆகினர். இந்திய தரப்பில் ஜெயதேவ் உனாட்கட் 3, விஜய் சங்கர் 2 விக்கெட்டுகளை வீழ்த்தினர்.

இதையடுத்து களமிறங்கிய இந்திய அணி, 6 விக்கெட்டுகள் வித்தியாசத்தில் வெற்றி பெற்றது. இலக்கான 140 ரன்களை இந்திய அணி 4 விக்கெட்டுகளை மட்டும் இழந்து 18.4 ஓவர்களில் எட்டியது. 

இந்திய அணியில் சிக்கர் தவான் 55, சுரேஷ் ரெய்னா 28 மற்றும் மணிஷ் பாண்டே 27 ரன்கள் எடுத்தனர்.

By continuing to use the site, you agree to the use of cookies. You can find out more by clicking this link

Close