INDvSL, T-20 match: 6 விக்கெட் வித்தியாசத்தில் இந்தியா அபார வெற்றி!

இந்தியாVSஇலங்கை இடையிலான நான்காவது லீக் போட்டியில் இந்திய அணி ஆறு விக்கெட் வித்தியாசத்தில் வெற்றிபெற்றுள்ளது. 

Updated: Mar 13, 2018, 06:16 AM IST
INDvSL, T-20 match: 6 விக்கெட் வித்தியாசத்தில் இந்தியா அபார வெற்றி!
ZeeNewsTamil

இந்தியா, இலங்கை, பங்களாதேஷ் அணிகள் பங்கேற்கும் டி2-0 கிரிக்கெட் தொடர் கொழும்பு பிரேமதாசா ஸ்டேடியத்தில் நடந்து வருகிறது. இலங்கை அணி, தொடக்க ஆட்டத்தில் 5 விக்கெட் வித்தியாசத்தில் இந்தியாவை தோற்கடித்தது. அடுத்த ஆட்டத்தில் இந்திய அணி 6 விக்கெட் வித்தியாசத்தில் பங்களாதேஷை வென்றது. 

இதையடுத்து நேற்று நடைபெற்ற இந்தியா, இலங்கை, வங்கதேசம் ஆகிய அணிகள் மோதும் முத்தரப்பு டி-20 தொடர் இலங்கையில் நடந்துவருகிறது. 4-வது லீக் போட்டியில் இந்தியா இலங்கை அணிகள் மோதின. டாஸ் வென்ற இந்திய அணி பீல்டிங்கை தேர்வு செய்தது. 

இந்த போட்டி மழையின் காரணமாக 19 ஓவராக குறைக்கப்பட்டிருந்தது. இந்தநிலையில், முதலில் பேட் செய்த இலங்கை அணி 19 ஓவர் முடிவில் 9 விக்கெட் இழப்புக்கு 152 ரன்கள் எடுத்திருந்தது. இந்திய அணியில் தொடக்க வீரர்களாக ரோஹித் சர்மாவும், ஷிகர் தவானும் களமிறங்கினர். ரோஹித் சர்மா 11 ரன்களிலும் தவான் 8 ரன்களிலும் ஆட்டமிழந்தனர். ராகுல் 18 ரன்களும் சுரேஷ் ரெய்னா 27 ரன்களும் குவித்தனர்.

அவர்கள், இருவரும் ஆட்டமிழக்க மனிஷ் பாண்டேவும், தினேஷ் கார்த்திக்கும் ஜோடி சேர்ந்து நிதானமாக ஆடினர். பாண்டே 42 ரன்களும் தினேஷ் கார்த்திக் 39 ரன்களும் அணியை வெற்றிப் பாதைக்கு அழைத்துச் சென்றனர். இந்திய அணி 17.3 ஓவரில் 153 ரன்கள் எடுத்து ஆறு விக்கெட் வித்தியாசத்தில் வெற்றியடைந்தது. 

By continuing to use the site, you agree to the use of cookies. You can find out more by clicking this link

Close