தமிழகம் & புதுவையில் மழை: இன்றைய வானிலை முன்னறிவிப்பு...!

தமிழகத்தின் சில பகுதிகளிலும் புதுச்சேரியிலும் இன்று பலத்த மழை பெய்யும் என்று சென்னை வானிலை அறிக்கையில் அறிவித்துள்ளது...! 

Zee News Tamil (Web Team) Zee செய்திகள்(இணைய பிரிவு) | Updated: Sep 12, 2018, 01:09 PM IST
தமிழகம் & புதுவையில் மழை: இன்றைய வானிலை முன்னறிவிப்பு...!
File Pic

தமிழகத்தின் சில பகுதிகளிலும் புதுச்சேரியிலும் இன்று பலத்த மழை பெய்யும் என்று சென்னை வானிலை அறிக்கையில் அறிவித்துள்ளது...! 

வெப்பச்சலனம் காரணமாக தமிழகம் மற்றும் புதுவையில் ஓரிரு இடங்களில் மழையோ அல்லது இடியுடன் கூடிய லேசானாது முதல் மிதமானது வரை அடுத்த இரண்டு நாட்களுக்கு பெய்ய வாய்ப்பு உள்ளது என சென்னை வானிலை ஆய்வு மையம் அறிவித்துள்ளது.

இது குறித்து வானிலை ஆய்வு மைய அதிகாரிகள் கூறியபோது...! 

தமிழகத்தின் சில பகுதிகளிலும் புதுச்சேரியிலும் இன்று பலத்த மழை பெய்யும் என்று வானிலை அறிக்கையில் தெரிவிக்கப்பட்டுள்ளது. நெல்லை மாவட்டத்தில் நேற்று ஒரு மணி நேரத்திற்கும் மேலாக பலத்த மழை பெய்தது. ஓடைகளில் கழிவுநீருடன் மழைநீர் கலந்து சாலையில் வெளியேறியதால், நடந்து செல்வோர் சிரமத்திற்கு ஆளாகினர்.

ஈரோடு மாவட்டம் சத்தியமங்கலம் பகுதியில் நேற்று பலத்த மழை பெய்துள்ளது. இதனால் அப்பகுதி விவசாயிகள் மகிழ்ச்சி அடைந்தனர். கடந்த ஒரு மாத காலமாக வெயில் வாட்டி வந்த நிலையில், விவசாயிகளும் பொதுமக்களும் மழையால் மகிழ்ந்தனர்.

இதனிடையே, வளிமண்டலத்தில் ஏற்பட்டுள்ள மேலடுக்கு சுழற்சி காரணமாக தமிழகம், புதுச்சேரியில் மழை பெய்யக்கூடும் என்றும் ஒரு சில இடங்களில் பலத்த மழை பெய்யும் என்றும் வானிலை ஆய்வு மையம் அறிவித்துள்ளது.

 

By continuing to use the site, you agree to the use of cookies. You can find out more by clicking this link

Close