ఫెయిలైనా తల్లిదండ్రులు మందలించలేదని విద్యార్థిని ఆత్మహత్య

ఫెయిలైతే మదలించలేదని విద్యార్థిని ఆత్మహత్య

Updated: May 14, 2018, 01:58 PM IST
ఫెయిలైనా తల్లిదండ్రులు మందలించలేదని విద్యార్థిని ఆత్మహత్య

ప్రకాశం జిల్లా తురకపాలెంకు చెందిన గురులక్ష్మీ(20)బీటెక్‌లో 9 సబ్జెక్టుల్లో ఫెయిలైనా తల్లిదండ్రులు ఏమీ అనకపోవడంతో మనస్తాపం చెంది ఆత్మహత్య చేసుకుంది. సూసైడ్‌ నోట్‌ రాసి పురుగుమందు తాగి ఆత్మహత్యకు పాల్పడింది. ఈ సంఘటన శుక్రవారం జరగగా ఆదివారం వెలుగు చూసింది.

వివరాల్లోకి వెళితే.. తెనాలిలోని ఓ కాలేజీలో గురులక్ష్మీ బీటెక్ చదువుతోంది. ఫస్టియర్‌లో ఈమె తొమ్మిది సబ్జెక్టులు తప్పింది. అయినా తల్లిదండ్రులు ఏమీ అనలేదు. దీన్నే ఆ విద్యార్థిని సీరియస్‌గా తీసుకున్నట్లుంది. తీవ్ర మనస్తాపం చెందిన ఆమె శుక్రవారం రాత్రి పురుగుల మందు తాగి ఆత్మహత్యాయత్నానికి పాల్పడింది. కుటుంబీకులు గమనించి ఒంగోలులోని ఓ ఆసుపత్రిలో చేర్చగా.. చికిత్స పొందుతూ ఆదివారం తెల్లవారుఝామున కన్నుమూసింది. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు.

By continuing to use the site, you agree to the use of cookies. You can find out more by clicking this link

Close